Prezıdent: Barlyq túıtkil beıbit jáne dıplomatııalyq jolmen sheshilýge tıis

<p>Memleket basshysy Qasym-Jomart Toqaev Frantsııa prezıdenti Emmanıýel Makronmen Aqordadaǵy kezdesýinen keıingi birlesken málimdemede álemdegi túrli saıası shıelenister men ekonomıkalyq daǵdarystar eldi alańdatyp otyrǵanyn atap ótti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Sondaı-aq, biz aımaqtyq jáne jahandyq kún tártibindegi ózekti máseleler jóninde pikir almastyq. Álemdegi túrli saıası shıelenister, ekonomıkalyq daǵdarystar elimizdi alańdatyp otyr. Árıne, barlyq túıtkil beıbit jáne dıplomatııalyq jolmen sheshilýge tıis. Qurmetti jýrnalıster, jalpy búgingi kelissóz ózara senim jáne túsinistik jaǵdaıynda ótti. Osynyń nátıjesinde Qazaqstan men Frantsııanyń qarym-qatynasy jańa deńgeıge kóteriledi dep senemin. Eń bastysy, qazirgi strategııalyq baǵytymyz — eki el halqynyń da keń qoldaýyna ıe bolǵany erekshe qýantady», — dedi Qasym-Jomart Toqaev.

Memleket basshysy bıyl eki el arasyndaǵy strategııalyq áriptestik týraly kelisimge qol qoıylǵanyna 15 jyl tolǵanyna toqtaldy.

«Dostyq pen ózara qoldaýǵa negizdelgen osy yntymaqtastyqty odan ári nyǵaıtý — ortaq mindetimiz. Birge kúsh jumyldyryp, kózdegen maqsatqa jetemiz. Men oǵan kámil senemin. Biz qurmetti prezıdent Emmanıýel Makronmen mazmundy kelissóz júrgizdik. Eki el arasyndaǵy yqpaldastyqtyń aıasyn keńeıtýge mol múmkindik bar. Frantsııa — Qazaqstannyń eń iri saýda seriktesiniń biri. Bıylǵy 8 aı ishinde saýda-sattyq kólemi ótken jylmen salystyrǵanda 21 paıyzǵa ósti. ıAǵnı, 2,7 mlrd dollarǵa jetti. Sondaı-aq, Frantsııa negizgi sheteldik ınvestorlarymyzdyń qataryna kiredi. Sońǵy 15 jylda Frantsııadan Qazaqstanǵa 18,7 mlrd dollarǵa jýyq ınvestıtsııa tartyldy. Elimizde 170-ten astam frantsýz kompanııasynyń tabysty jumys isteýi — sonyń aıqyn dáleli», — dedi Prezıdent.

Eske salaıyq, Frantsııa Prezıdenti Emmanıýel Makron resmı saparmen Qazaqstanǵa keldi.

Qasym-Jomart Toqaev Aqordada Frantsııa Prezıdenti Emmanıýel Makrondy qarsy aldy.

Qazaqstan men Frantsııa prezıdentteri shaǵyn quramda kelissóz júrgizdi.

Makron bul sapar ekijaqty seriktestik úshin mańyzdy jylmen tuspa-tus kelip otyrǵanyn aıtty.

Qazaqstan Prezıdenti óz sózinde Frantsııa – Qazaqstannyń Eýropadaǵy óte mańyzdy seriktesi ekenin atap ótti.

Sondaı-aq, Prezıdent kezdesý kezinde bilim jáne ǵylym salasyndaǵy jobalardy qolǵa alýǵa erekshe kóńil bólingenin jetkizdi.

Emmanıýel Makron qazaq mektepterine frantsýz tilin oqytý tájirıbesi qaıta oralǵany mańyzdy ekenin jetkizdi. 

Memleket basshylarynyń kezdesýinen keıingi qos eldiń qarym-qatynasy qaı baǵytta damýy múmkin?

Aıta ketý kerek, Qazaqstan Prezıdenti Qasym-Jomart Toqaevtyń Frantsııaǵa byltyr jasaǵan resmı sapary aıasynda 35 qujatqa qol qoıylǵan bolatyn.