Prezıdent: Baǵyndyratyn belesterimiz alda

ASTANA. QazAqparat – «Qasiretti qańtar» kezindegi zor synaqty tutas el bolyp eńserdik. Bul týraly Memleket basshysy Qasym-Jomart Toqaev prezıdenttikke kandıdatýrasyn qoldaý jónindegi halyqtyq koalıtsııanyń forýmynda aıtty, dep habarlaıdy QazAqparat tilshisi.

«Men elimizdiń saıası, áleýmettik, quqyqtyq, jáne basqa da mańyzdy júıelerin túbegeıli jańǵyrtý úshin aýqymdy reforma júrgizdim. Bul reformalar halyqtyń turmysyn túzeýge, ár adamnyń quqyǵyn tolyq qorǵaýǵa, demokratııalyq úderisterdi jedel júrgizýge baǵyttalǵan. Bir sózben aıtqanda, barlyǵy tek halyq úshin jasalyp jatyr. Sondaı-aq, memlekettiligimizdi nyǵaıtýǵa arnaldy. Jalpy, kóp jumys atqaryldy dep aıtýǵa bolady. Biraq, bul – kúrdeli joldyń basy ǵana. Sondyqtan, biz «Halyq únine qulaq asatyn memleket» tujyrymdamasyn basshylyqqa alyp, ádil qoǵam qurýǵa kiristik. Saıası reformanyń tórt toptamasyn júzege asyrdyq», - dedi Memleket basshysy.

Prezıdent bılik pen qoǵamnyń dıalogin nyǵaıtý úshin ata dástúrimen Ulttyq quryltaı shaqyrylǵanyn, onyń jumysyna túrli sala ókilderi belsene qatysqanyn atap ótti.

«Álemdi jaılaǵan koronavırýs indetine birge qarsy turdyq. «Qasiretti qańtar» kezindegi zor synaqty tutas el bolyp eńserdik. Bıyl Konstıtýtsııaǵa óte mańyzdy ózgerister engizdik. Elimiz úshin jarqyn keleshekke jol ashtyq. ıAǵnı, qysqa ýaqytta orasan zor jumysty birge atqardyq dep senimmen aıtýǵa bolady. Biraq, áli de aýqymdy jumys atqarýymyz kerek, baǵyndyratyn belesterimiz alda. Qandaı qıyn bolsa da, bárimiz birge ony mindetti túrde abyroımen atqaramyz. Ortaq maqsatqa jetemiz!» - dedi Qasym-Jomart Toqaev.