Prezıdent baǵdarlamasy búgingi qoǵamnyń barlyq suranysyna jaýap beredi - Erlan Sydyqov

NUR-SULTAN. QazAqparat - Qasym Jomart Toqaevtyń baǵdarlamasy búgingi qoǵamnyń barlyq suranysyna tolyq jaýap beredi. L.N.Gýmılev atyndaǵy Eýrazııa ulttyq ýnıversıtetiniń rektory Erlan Sydyqovtyń pikiri osyndaı, dep habarlaıdy QazAqparat Habar 24 arnasyna silteme jasap.

Eýrazııa Ulttyq ýnıversıtetiniń rektory Erlan Sydyqovtyń sózinshe, ulyqtaý rásiminde prezıdent óte ózekti máselelerdi kóterdi. Áleýmettik, jastar máselesine toqtalyp, kóptiń kókeıindegi máselelerdi sheshýge baǵyttalǵan naqty qadamdardy atap ótti.

«Qasym-Jomart Toqaev Elbasynyń salyp kelgen sara jolyn ári qaraı jalǵastyrýshy ekenin naqty aıtty. Sonymen qatar, qoǵamnyń talabyna, daýys berýshilerdiń úmitine, olardyń senimine jaýap bere alatynyn naqty óziniń joǵarydaǵy josparlarymen dáleldep otyr», - deıdi Erlan Sydyqov.