Prezıdent Azııa memleketteri basshylarynyń Konsýltatıvtik kezdesýinde baıandama jasady

Memleket basshysy Qasym-Jomart Toqaev Ortalyq Azııa memleketteri basshylarynyń V Konsýltatıvtik kezdesýinde baıandama jasady, dep habarlaıdy QazAqparat.

Prezıdent sammıttiń, shyn máninde, mańyzdy jıyn bolatynyna jáne kópjaqty yntymaqtastyqtyń aldaǵy damý qarqynyn aıqyndaıtynyna senim bildirdi.

«Konsýltatıvtik kezdesýlerdiń formaty ómirsheń bolyp qana qoımaı, perspektıvasy zor, pármendi alańǵa aınaldy. Bul – qýanyshty jaıt. Buǵan kez kelgen máseleni konstrýktıvti túrde sheshýge múmkindik beretin belsendi ári senimdi saıası dıalog yqpal etedi.Ózara tıimdi saýda-ekonomıkalyq yntymaqtastyq dáıekti túrde keńeıip keledi. Bıznes arasyndaǵy baılanystar jandanyp, birlesken kásiporyndar sany arta tústi. Іri aımaqtyq jobalar bárimizge aıtarlyqtaı paıda ákelip qana qoımaı, sonymen qatar Ortalyq Azııa ekonomıkasynyń búkil qurylymyn ózgertedi», - dedi Toqaev.

Ol sońǵy bes jylda óńirishilik taýar aınalymy 80 paıyzdan astam ósip, 10,6 mıllıard dollarǵa jetkenin atap ótti.

«Munymen shektelip qalmaıtynymyzǵa senimdimin. Saýda-sattyqty odan ári damytý úshin elderimizdiń áleýeti zor. Mádenı-gýmanıtarlyq yntymaqtastyq bizdiń kópjaqty baılanystarymyzdy tereńdetýge úlken septigin tıgizedi. Bul mańyzdy sala jyldan-jylǵa sapaly ári jańa mazmunmen tolyǵyp, bizdiń ǵasyrlar boıy jalǵasyp kele jatqan dástúrlerimizdi, dostyǵymyz ben tatý kórshiligimizdi nyǵaıta túsedi. Munyń bári memleketterimizdiń ózara tabysty qarym-qatynasyna jáne jalpyóńirlik ózekti mindetterdiń tıimdi sheshilýine yqpal etedi», - dedi sodan soń Memleket basshysy.

Qasym-Jomart Toqaev Qazaqstan Ortalyq Azııadaǵy barlyq elmen aradaǵy kópjaqty yntymaqtastyqty keń kólemde nyǵaıtýǵa baǵyttalǵan strategııalyq baǵdardy berik ustanatynyn aıtty. Ortaq is-áreketter sınergııasy men ózara qoldaý baýyrlas halyqtarymyzdyń órkendeýine jáne ál-aýqatynyń artýyna jol ashatynyna da senim bildirdi.