Prezıdent Ázerbaıjan Mıllı Májilisiniń tóraǵasy Sagıba Gafarovamen kelissóz júrgizdi

<p>BAKÝ. KAZINFORM &ndash; Qasym-Jomart Toqaev Sagıba Gafarovaǵa iltıpat bildirip, Qazaqstan men Ázerbaıjannyń qarym-qatynasy qarqyndy damyp kele jatqanyn atap ótti.</p>

– Shyn máninde, Qazaqstan men Ázerbaıjan – strategııalyq seriktes ári odaqtas elder. Búgin biz bul mártebeniń memleketter men úkimetter basshylaryna erekshe jaýapkershilik júkteıtinin atap óttik. Eki el yntymaqtastyǵynyń mazmuny baı ári perspektıvasy zor. Birqatar biregeı joba qolǵa alyndy. Elderimiz arasyndaǵy qarym-qatynastyń strategııalyq sıpaty týraly aıtqan kezde, eń aldymen, munaı men gaz, kólik-logıstıka, tsıfrlandyrý, aýyl sharýashylyǵy, ındýstrııa jáne basqa da salalar oıǵa oralady, – dedi Memleket basshysy.

🇦🇿 Ázerbaıjan Mıllı Májilisiniń Tóraǵasy parlamentaralyq baılanysty damytýǵa jan-jaqty qoldaý kórsetkeni úshin Prezıdent Qasym-Jomart Toqaevqa alǵys aıtty.

– Sizdiń búgingi saparyńyz elderimiz arasynda qalyptasqan dostyq, baýyrlastyq qatynastardyń damýyna erekshe úles qosatynyna senimdimin. Qazirgi tańda biz strategııalyq seriktestik jáne odaqtastyq qatynastar týraly áńgime qozǵap otyrmyz. Men búgingi kezdesýlerde qoǵamnyń ártúrli salalaryndaǵy qatynastardy damytý jóninde birqatar mańyzdy másele talqylanǵanynan habardarmyn. Sondaı-aq eki eldiń parlamentteri arasynda tereń iskerlik baılanystar ornaǵanyn zor maqtanyshpen ári rızashylyqpen aıta alamyn, – dedi Sagıba Gafarova.