Prezıdent azaptaýmen baılanysty qylmystardy Bas prokýratýraǵa júkteýdi usyndy

NUR-SULTAN. QazAqparat – Memleket basshysy Qasym-Jomart Toqaev Qazaqstan halqyna Joldaýynda azaptaýlarmen baılanysty qylmystardy tergep-tekserý týraly pikir bildirdi, dep habarlaıdy QazAqparat.

«Azaptaýlarmen baılanysty qylmystardy tergep-tekserýge júıeli tásildeme kerek. Qazirgi ýaqytta bul baǵytqa jaýap beretin naqty bir organ joq. Bul tájirıbe belgili bir syn-qater týdyrýy múmkin. Sondyqtan bul fýnktsııalardy Bas prokýratýraǵa mindetteýdi usynamyn. Bul tásil tergeýdegi ashyqtyq pen beıtaraptyqty qamtamasyz etedi, quqyq qorǵaý salasyndaǵy bassyzdyq úshin jazanyń bar ekenin kórsetedi», - dedi Q. Toqaev.

Buǵan deıin Qasym-Jomart Toqaev Qazaqstan halqyna Joldaýynda Konstıtýtsııalyq sot qurýdy usynǵan edi. Onda Bas prokýror men Adam quqyǵy jónindegi ýákilge de Konstıtýtsııalyq sotqa júginý múmkindigin berýdi usyndy.