Prezıdent aıtqan reformalar partııalyq júıeni evolıýtsııalyq damytýǵa arnalǵan - Madına Bektenova
«Qasym-Jomart Toqaev Parlament músheleriniń, sonyń ishinde jańa saılanyp, halyqtyń senim mandattaryna ıe bolǵan depýtattardyń aldaǵy belsendi jumysy men jaýapkershilikti qyzmetine degen úmitin bildirdi. Memleket basshysy bul oraıda, Parlamenttiń tek zańdardy talqylap qabyldaýmen shektelmeı, qoǵamdy tolǵandyryp jatqan ózekti máselelerdiń sheshimin tabatyn ortalyqqa aınalýy tıis ekenin aıtty. Demek, qoǵamnyń ahýaly, ózekti máseleleri men negizgi talap-suranystary týraly depýtattardyń habary bolýy jáne bul máseleler eń aldymen, Parlamentte talqylanýy qajettiligi alǵa qoıyldy», - dep atap ótedi sarapshy.
Elimizde Parlament Májilisi men barlyq deńgeıdegi máslıhattarǵa ótken saılaý qazaqstandyq parlamentarızmniń tarıhyndaǵy jańa kezeńin ashyp qana qoımaı, memlekettiń saıası júıesin jumystyń jańa rejımi men jańa deńgeıine ilgeriledi.
Bul saılaýdyń ózi memleketimizde júzege asyp jatqan reformalardyń birinshi bóliginiń is júzindegi kórinisine aınalýda. Oǵan sáıkes partııalar úshin jańa múmkindikter men jeńildikter usynylyp, tıisti zańdarǵa tolyqtyrýlar men ózgerister engizildi. Ol elimizdegi kóppartııalyqty damytý jáne parlamentarızmdi nyǵaıtý úshin edáýir serpin bergeni anyq.
Sarapshynyń aıtýynsha, búgingi sessııada jarııalanyp jatqan reformalardyń birqatary Qazaqstannyń partııalyq júıesin ary qaraı evolıýtsııalyq damytýǵa arnalǵan. ıAǵnı, ótken saılaýda partııalar tarapynan, saılaý protsesine qatysqan mamandar, baıqaýshylar men sarapshylardyń tarapynan aıtylyp kele jatqan usynystardyń eskerilip jatqany ańǵarylady.
Osy oraıda saıası partııalardyń Májiliske ótý shegin 7-den 5 paıyzǵa tómendetý týraly aıtylǵan bastama óte ýaqtyly, ári parııalardyń aldaǵy saılaýlardaǵy múmkindikterin arttyrady, jańa partııalardyń qurylyp, aldaǵy ýaqytta depýtattyqqa saılaný úshin olardy yntalaryndyrady.
Sonymen qatar jalpy reformalardyń engizilýi quqyqtyq, azamattyq prıntsıpterdi saqtaý úshin mańyzdy. Bul turǵydan azamattardyń tańdaý erkindigin barynsha qamtamasyz etý mańyzdy. Ol, ásirese, saılaý júıesine qatysty. Qazaqstandyq sarapshylardyń pikirinshe, memlekettik saılaý júıesindegi bıýlletenderinde azamattyq tańdaý qaǵıdalarynyń aıaǵyna deıin saqtalmaı jatqannyń belgileri bar. Ol týraly Memleket basshysy da: «Balamaly pikir jáne bárine qarsy daýys berý uǵymy biz úshin de qalypty nárse bolýǵa tıis» - dep anyǵyn aıtty.
«Bul saıası reformalardyń tek bir bóligi, onyń ústine uzaq merzimdi áleýmettik-ekonomıkalyq reformalardyń da mańyzy óte úlken. Elimizdiń uzaq merzimdi damýy barlyq salalarda dáıekti ózgeristerdiń bolýyn qajet etedi. Búgingi aıtylǵan reformalar men basymdyqtardyń maqsaty sol ózgeristerdi zańǵa sáıkes, sapaly ári tıimdi ótkizýge baǵyttalǵan», - deıdi Madına Bektenova.
Onyń sózine qaraǵanda, áleýmettik saladaǵy reformalar aýqymy óte úlken jáne ózekti. Pandemııa saldarynan halqymyzdyń basym bóligi zardap shegip otyr. Sol úshin, adam kapıtalyn quraıtyn barlyq salalar boıynsha tyń ári ýaqytyly ózgerister men sharalardy engizý birinshi qatardaǵy másele. Densaýlyq, bilim berý, áleýmettik qoldaý, eńbek naryǵy men zeınetaqy júıesin damytý jónindegi josparlanǵan reformalar kóp kúttirmeı júzege asýǵa mindetti sharýa.
«Bul rette, ásirese, 2025 jylǵa deıingi el damýynyń Ulttyq jospary men Áleýmettik kodekstiń óz nátıjelerin beretinine senip artyp otyrmyz. Sondaı-aq máslıhattardyń quramy jańaryp, jańa serpin berý arqyly aımaqtardyń jaǵdaıy, ásirese aýyldyń áleýmettik-ekonomıkalyq damýyna kóńil bólinetini qýantarlyq jaǵdaı.
Biz baıqap otyrǵanymyzdaı, memleketimizde reformalardy engizý úderisi baıyppen, oryndy ári evolıýtsııalyq sıpatta bolyp jatyr. Reformalardy sapaly zańdar arqyly júrgizý – uzaq merzimdi jetistikke jetýdiń basty sharty bolǵandyqtan, jańa Parlament olardy tabysty júzege asyrýǵa bar yntasy men bilimin salatynyna senimdimiz, deıdi ol.