Prezıdent aıqyndap bergen mindetterdi iske asyrý jolynda aýqymdy jumys kútip tur - Máýlen Áshimbaev
«20 qarashada elimizde saılaý ótti. Memleketimiz úshin asa mańyzdy kezeńde halyq óz tańdaýyn jasap, daýys berdi. Ortalyq saılaý komıssııasy saılaýdyń qorytyndysyn jarııalady. Saılaýshylardyń 81,31 paıyzy Qasym-Jomart Kemeluly Toqaevqa daýys berdi. Osy oraıda el azamattary Memleket basshysynyń stratagııalyq bastamalary men Ádiletti Qazaqstan qurý maqsatyna biraýyzdan qoldaý bildirdi. Saılaý ashyq ári ádil ótýi úshin barlyq tıisti jaǵdaı jasaldy», - dedi M. Áshimbaev Senattyń jalpy otyrysynda.
Onyń aıtýynsha, otandyq jáne halyqaralyq baıqaýshylar saılaýdyń ulttyq zańnamalar men osy baǵyttaǵy halyqaralyq standarttarǵa saı ótkenin málimdedi.
«Jalpy, bul saılaý Qazaqstannyń damýdyń jańa kezeńine qadam basqanyn aıǵaqtaıdy. Endi, aldymyzda Prezıdent aıtqyndap bergen mańyzdy mindetterdi iske asyrý jolyndaǵy aýqymdy jumys kútip tur. Sondyqtan bárimiz birge saılaý aldyndaǵy baǵdarlamada kórsetilgen basymdyqtardy tabysty júzege asyrýymyz qajet. Osy baǵytta birlesip nátıjeli eńbek etemiz dep senemin», - dedi Senat tóraǵasy.
Budan buryn habarlanǵandaı, QR Oortalyq saılaý komıssııasynyń dereginshe, Qasym-Jomart Toqaevqa 6 mln 456 myń 392 saılaýshy nemese olardyń 81,31%-y daýys bergen. «Bárine qarsymyn» baǵanyn 460 484 nemese 5,8% saılaýshy tańdaǵan.
Foto: senate.parlam.kz