Prezıdent: Aýyl sharýashylyǵy jerlerin tıimdi paıdalaný úshin baqylaýdy kúsheıtý mańyzdy

ASTANA. QazAqparat – Aýyl sharýashylyǵy jerlerin tıimdi paıdalaný úshin baqylaýdy kúsheıtý mańyzdy. Bul týraly Parlament palatalarynyń birlesken otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Aýyl – el besigi», «Aýyl amanaty» jobalary aýyldy damytýǵa arnalǵan jańa tujyrymdamaǵa arqaý bolýǵa tıis. Topyraqtyń qunaryn saqtap, ony jaqsartý úshin júıeli sharalar qabyldaý qajet», - dedi Memleket basshysy.

Prezıdent aýyl sharýashylyǵy jerlerin tıimdi paıdalaný úshin baqylaýdy kúsheıtý mańyzdy ekendigine toqtaldy.

«Ónim kólemin arttyrýǵa jáne ony ártaraptandyrýǵa basa mán bergen jón. Aýyl sharýashylyǵy salasyndaǵy reformalarǵa sapaly zańdar qajet. Bul jumysqa Májilisten oryn alǵan «Aýyl» partııasy óz úlesin qosady dep senemin», - dedi Qasym-Jomart Toqaev.

Osyǵan deıin Memleket basshysy ulttyq jobalardyń sapaly ári ýaqtyly júzege asyrylýy qajettigin aıtty.