Prezıdent aýyl ákimderin saılaý naýqanshyldyqqa aınalyp ketpeýi kerektigin aıtty

NUR-SULTAN. QazAqparat – Memleket basshysy Qasym-Jomart Toqaev aýyl ákimderin saılaý boıynsha naýqanshyldyqqa jol bermeý kerektigin eskertti, dep habarlaıdy QazAqparat tilshisi.

«Aýyl ákimderin saılaý ary qaraı damýy kerek. Alaıda ony júzege asyramyz dep asyǵystyq, naýqanshyldyq tanytpaý kerek. Qazaqstannyń saıası tranformatsııasy – bir sáttik, popýlıstik aktsııa emes. Bul reforma – maǵynasy jaǵynan strategııalyq sıpatqa ıe. Sebebi ol ol Qazaqstannyń demokratııalyq jáne órkenıetti memleket retinde ary qaraı damýyna baǵyttalǵan sharýa. Qazaqstannyń modernızatsııasy – jastardyń múddesin qorǵaýdy maqsat tutady», - dedi Qasym-Jomart Toqaev Ulttyq qoǵamdyq senim keńesiniń otyrysynda.

Aıta ketsek buǵan deıin Prezıdent aýyl ákimderin saılaý - tıimdi ári bekem memlekettik ınstıtýttardy qurýdaǵy mańyzdy qadam ekenin jetkizgen edi.