Prezıdent Aýyl sharýashylyǵy mınıstrine salany 5 jylda damýdyń jańa belesine shyǵarýdy júktedi

<p>Memleket basshysy Qasym-Jomart Toqaev Aýyl sharýashylyǵy mınıstri Aıdarbek Saparovty qabyldady. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.akorda.kz/kz/memleket-basshysy-auyl-sharuashylygy-ministri-aydarbek-saparovty-kabyldady-2010346" target="_blank" rel="noopener">Aqordaǵa</a> silteme jasap habarlaıdy.</p>

Prezıdentke elimizdiń aýyl sharýashylyǵy sektorynyń bıylǵy 10 aıda atqarǵan jumystarynyń negizgi kórsetkishteri jóninde málimet berildi.

Memleket basshysyna Agroónerkásip keshenin damytýdyń 2030 jylǵa deıingi tujyrymdamasynda bekitilgen mindetterdiń oryndalýy týraly baıandaldy, sondaı-aq atalǵan salany odan ári jetildirýge qatysty jospar tanystyryldy.

Aıdarbek Saparov Qasym-Jomart Toqaevqa jıyn-terin naýqanynyń qorytyndysy, bıyl otandyq sharýalardyń qıyn jaǵdaıda jumys istegeni jáne Úkimet qabyldaǵan qoldaý sharalary jaıynda aıtty.

Kezdesý sońynda Prezıdent mınıstrge salany 5 jyl ishinde damýdyń jańa belesine shyǵarý, sonyń ishinde aýyl sharýashylyǵynyń jalpy ónim kólemin 2 ese arttyrý jóninde mindet júktedi. Ol úshin atalǵan salada memlekettik qoldaý júıesin jetildirýge, sharýalardy jeńildetilgen qarjymen jáne sýbsıdııamen qamtamasyz etýge, egis alqaptaryn ártaraptandyrýǵa jáne aýyl sharýashylyǵy ǵylymyn damytýǵa baǵyttalǵan qurylymdyq jáne ınstıtýtsıonaldyq reformalar júrgizý qajet.