Prezıdent Atyraýda mádenıet ortalyǵyn salyp, oǵan Qurmanǵazynyń atyn berýdi usyndy
«Oblystaǵy mádenıet salasyn damytýǵa erekshe nazar aýdarý qajet. Qalada mádenıet oryndarynyń kóbirek bolǵany jón. Men Atyraý qalasynda daryndy jastar úshin mádenıet jáne shyǵarmashylyq ortalyǵyn salýdy tapsyramyn. Ony qazaq kúı óneriniń alyby –Qurmanǵazynyń atymen ataýdy usynamyn. Oblys ortalyǵynda otbasylyq demalys oryndary jáne jastardyń bos ýaqytyn paıdaly ótkizetin ortalyqtar kóp emes. Jaıyq jaǵalaýy abattandyryldy,«Jastar saıabaǵy» salyndy. Bul oryn jergilikti jurt jıi baratyn demalys oryndarynyń birine aınaldy. Ákimdik osyndaı jańa jobalardy qolǵa alýy qajet. Qaladaǵy barlyq nysandar múmkindigi shekteýli azamattarǵa yńǵaıly bolýy kerek. Bizdiń qoǵam úshin eń mańyzdy talaptyń biri – osy. Atyraý árbir turǵynǵa qolaıly, taza, zamanaýı qalaǵa aınalýǵa tıis. Qalada keıbir nysandardyń qurylysy kóp jyldan beri toqtap tur. Mysaly, 10 jyl buryn salyna bastaǵan Kontsert zaly áli paıdalanýǵa berilgen joq. Tipti, onyń ǵımaraty jaramsyz kúıge tústi. Úkimet ákimdikpen birlesip, osyndaı nysandardy salyp bitirý máselesin birjola sheshýge tıis. Qajet bolsa, ınvestorlardy tartyńyzdar. Halyq mundaı ǵımarattardyń ıgiligin kórýi qajet», - dedi jıynda Qazaqstan Prezıdenti.
Foto:oner.kz