Prezıdent astanalyq oqýshynyń armanyn oryndady

<p>Memleket basshysy Qasym-Jomart Toqaevqa hat jazǵan astanalyq oqýshynyń armany oryndaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

12 jasar Kemel Júsipov QR Prezıdentine hat jazyp, ony áleýmettik jelide jarııalaǵan.

«Qurmetti Qasym-Jomart Kemeluly! Meniń atym Sizdiń ákeńizdiń esimi sııaqty – Kemel. Osydan týra 12 jyl buryn 4 jeltoqsanda ata-anam maǵan osy esimdi berdi. Men Astanada turamyn, Qazaqstan tarıhyn, dúnıejúzilik tarıh pen geografııany súısine oqımyn, túrli elderdiń banknoty men monetalaryn jınaımyn, saıahattaǵandy unatamyn jáne 4 elde boldym. Bútin álemdi sharlap shyǵýdy armandaımyn... Men Sizben kezdesýdi jáne qoltańbańyz qoıylǵan «Áke týraly oı-tolǵaý» kitabyn syılyqqa alýdy armandaımyn. Hatyma nazar aýdarasyz jáne armanym oryndalady dep úmittenemin», - delingen oqýshynyń hatynda.

Kúni keshe Kemel Júsipov Instagram-daǵy paraqshasynda Memleket basshysy óziniń armanyn oryndaǵanyn jazdy.

«Prezıdent hatymdy oqydy. Ózimniń 12 jasqa tolǵan týǵan kúnime Toqaev Qasym-Jomart Kemelulynyń izgi tilegi men qoltańbasy bar kitapty syılyqqa aldym. Armanym oryndaldy, áli sene alar emespin», - dedi jetkinshek.