Prezıdent Astana mańynda zamanaýı shujyq zaýytyn salýdy tapsyrdy

ASTANA. QazAqparat - Búgin Úkimettiń keńeıtilgen otyrysynda Prezıdent Nursultan Nazarbaev elorda mańynda shujyq shyǵaratyn zamanaýı zaýyt salýdy tapsyrdy, dep habarlaıdy QazAqparat.

«Astananyń tóńireginde shujyq shyǵaratyn sýperzaýyt salyńyzdar. Buǵan deıin osyndaı tapsyrma berilgen bolatyn», - dedi Prezıdent.

Óz kezeginde Premer-Mınıstrdiń orynbasary - Aýyl sharýashylyǵy mınıstri Ómirzaq Shókeev bul zaýyt bıyl salynatynyna ýáde berdi.

«Bıyl iske qosamyz, senimdi túrde aıta alamyn»,- dep naqtylady Shókeev.

Budan bólek, Memleket basshysy ımporttalatyn azyq-túlik ónimderine qatysty syn aıtty.

«Bizde azyq-túlik óniminiń ımporty el ishinde baǵanyń ósýine yqpal etedi. Biz aýyl sharýashylyǵy ónimderiniń barlyq túrin óndiremiz. Іshki suranysty qamtamasyz etý úshin árbir taýar boıynsha egjeı-tegjeıli jumystar júrgizý kerek. Óńdelgen etti syrttan tasymaldaý degen ne? Sútti Belarýs elinen jetkizip jatyr. Bizde joq ónimder tasymaldansa bolady, al elde bar ónimder nege qajetti deńgeıde shyǵarylmaıdy», - dedi Nursultan Nazarbaev.