Prezıdent Assambleıanyń dinı ekstremızmge qarsy is-qımyl josparyn ázirleýdi tapsyrdy

ASTANA. QazAqparat - Qazaqstan halqy Assambleıasynyń dinı ekstremızmge qarsy is-qımyl josparyn ázirleý qajet. Bul týraly búgin elordadaǵy Beıbitshilik pen kelisim saraıynda ótip jatqan Qazaqstan halqy Assambleıasynyń XXV sessııasynda sóz sóılegen Elbasy Nursultan Nazarbaev aıtty, dep habarlaıdy QazAqparat.

QR Prezıdentiniń atap ótýinshe, Assambleıanyń qoǵamdyq kelisim keńesi búginde qoǵam men adamnyń suhbat alańy bolyp otyrǵandyǵyn atap ótti.

«2016 jyly keńes 2 myńnan astam naqty problemany sheshti. ıAǵnı, Assambleıa qarapaıym adamdardyń problemalaryn sheshýde. Meniń tapsyrmammen keńes jergilikti ózin ózi basqarýdy damytýǵa da qatysýda. Muny bizdiń saıası partııamyz «Nur Otanmen» birge júzege asyrý qajet. Din isteri jáne azamattyq qoǵam mınıstrligine oblys ákimdikterimen, Assambleıanyń barlyq deńgeıdegi qoǵamdyq kelisim keńesterimen birlesip, 2017-2018 jyldarǵa arnalǵan dinı ekstremızmge, terrorızmge qarsy is-qımyl josparyn ázirleýdi tapsyramyn. Adamdar bárin biledi, eshteńeni jasyrý múmkin emes», - dedi Memleket basshysy.

Elbasy qoǵamdyq kelisim keńesiniń jumysyn reglamentteý qajettigin, onyń naqty jumys krıterııi bolýy tıistigin de basa aıtty.

«Sondyqtan Assambleıa hatshylyǵy Úkimetke bizge ne isteý qajettigi jaıynda sáıkesinshe usynystar engizýi qajet», - dedi N.Nazarbaev.