Prezıdent Assambleıanyń balalaryna bir qorjyn syılyq berip jiberdi

ASTANA. QazAqparat - Búgin Beıbitshilik pen kelisim saraıynda Alǵys aıtý kúnine oraı saltanatty shara ótti. Atalǵan shara bastalmas buryn QR Memlekettik xatshysy Gúlshara Ábdiqalyqova etnomádenı birlestikterdiń atynan óner kórsetken balalarǵa Prezıdenttiń arnaıy syılyqtaryn tabystady, dep habarlaıdy QazAqparat tilshisi.

Óz ónerin ortaǵa salǵan balalar merekege oraı jattap kelgen taqpaqtaryn qazaq tilinde aıtyp berdi. Al qazaqtyń ulttyq taǵamyna arnalǵan orys tilindegi bir shýmaq óleń kelgen qonaqtardy beı-jaı qaldyrmady. "Molochnyı kamen, sýper svoıstvo.

No kochevnıkov zarıadnoe ýstroıstvo,

I daje na ısxode sıl,

Kýrt tysıachı jızneı vozrodıl", - dedi balalardyń bireýi.
 

Osydan keıin Assambleıanyń balalary QR Prezıdenti Nursultan Nazarbaevqa óz quttyqtaýlary jazylǵan plakatty berip jiberdi. Al Memlekettik xatshy Gúlshara Ábdiqalyqova Memleket basshysynyń atynan bir qorjyn syılyqty tabystady.

"Mynaý Prezıdenttiń atynan barlyqtaryńyzǵa arnalǵan syılyq", - dedi Gúlshara Naýshaqyzy.

 

Aıta keteıik, búgingi shara barysynda Memlekettik xatshy merekelik dastarqanǵa tize búgip, Qazaqstan xalqy assambleıasy aqsaqaldarynyń áńgimesin tyńdady .  Sondaı-aq QR Prezıdenti Nursultan Nazarbaevtyń Alǵys kúnine arnalǵan quttyqtaýyn jetkizd i.