Prezıdent áskerı qyzmetshilerdi zapasqa shyǵarý jáne áskerı qyzmetke shaqyrý týraly Jarlyqqa qol qoıdy

<p><strong>ASTANA. KAZINFORM &ndash; Memleket basshysy &laquo;Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2024 jyldyń naýryz &ndash; maýsymynda jáne qyrkúıek &ndash; jeltoqsanynda merzimdi áskerı qyzmetke kezekti shaqyrý týraly&raquo;&nbsp;</strong><a href="https://www.akorda.kz/kz/askeri-kyzmettin-belgilengen-merzimin-otkergen-merzimdi-askeri-kyzmettegi-askeri-kyzmetshilerdi-zapaska-shygaru-askeri-kyzmetke-kezekti-shakyru-turaly-211539" target="_blank" rel="noopener"><strong>Jarlyqqa</strong></a><strong> qol qoıdy. Bul týraly Aqordanyń baspasóz qyzmeti habarlady.</strong></p>

Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2024 jyldyń naýryz – maýsymynda jáne qyrkúıek – jeltoqsanynda merzimdi áskerı qyzmetke kezekti shaqyrý týraly

«Qazaqstan Respýblıkasynyń qorǵanysy jáne Qarýly Kúshteri týraly» Qazaqstan Respýblıkasy Zańynyń 5-baby 2-tarmaǵynyń 11) tarmaqshasyna jáne «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 31-babyna sáıkes QAÝLY ETEMІN:

1. Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshiler 2024 jyldyń naýryz – maýsymynda jáne qyrkúıek – jeltoqsanynda Qazaqstan Respýblıkasynyń Qarýly Kúshteri, Qazaqstan Respýblıkasynyń Іshki ister mınıstrligi, Qazaqstan Respýblıkasynyń Tótenshe jaǵdaılar mınıstrligi, Qazaqstan Respýblıkasynyń Ulttyq qaýipsizdik komıteti, Qazaqstan Respýblıkasynyń Memlekettik kúzet qyzmeti qatarynan zapasqa shyǵarylsyn.

2. Áskerge shaqyrýdy keıinge qaldyrýǵa nemese odan bosatylýǵa quqyǵy joq on segiz jastan jıyrma jeti jasqa deıingi er azamattar 2024 jyldyń naýryz – maýsymynda jáne qyrkúıek – jeltoqsanynda Qazaqstan Respýblıkasynyń Qarýly Kúshterine, Qazaqstan Respýblıkasynyń Іshki ister mınıstrligine, Qazaqstan Respýblıkasynyń Tótenshe jaǵdaılar mınıstrligine, Qazaqstan Respýblıkasynyń Ulttyq qaýipsizdik komıtetine, Qazaqstan Respýblıkasynyń Memlekettik kúzet qyzmetine merzimdi áskerı qyzmetke shaqyrylsyn.

3. Jergilikti atqarýshy organdar tıisti jergilikti áskerı basqarý organdary arqyly 2024 jyldyń naýryz – maýsymynda jáne qyrkúıek – jeltoqsanynda azamattardy merzimdi áskerı qyzmetke shaqyrýdy júrgizýdi uıymdastyrsyn jáne qamtamasyz etsin.

4. Qazaqstan Respýblıkasynyń Úkimeti, Qazaqstan Respýblıkasynyń Ulttyq qaýipsizdik komıteti, Qazaqstan Respýblıkasynyń Memlekettik kúzet qyzmeti merzimdi áskerı qyzmetti ótkerý úshin Qazaqstan Respýblıkasynyń Qarýly Kúshterine, Qazaqstan Respýblıkasynyń Іshki ister mınıstrligine, Qazaqstan Respýblıkasynyń Tótenshe jaǵdaılar mınıstrligine, Qazaqstan Respýblıkasynyń Ulttyq qaýipsizdik komıtetine, Qazaqstan Respýblıkasynyń Memlekettik kúzet qyzmetine áskerge shaqyrylǵan Qazaqstan Respýblıkasynyń azamattaryn jóneltýdi jáne merzimdi áskerı qyzmettiń belgilengen merzimderin ótkergen áskerı qyzmetshilerdi shyǵarýdy qarjylaı jáne materıaldyq qamtamasyz etýdi uıymdastyrsyn.

5. Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Astana, Aqorda, 2024 jylǵy 1 aqpan

№ 443