Prezıdent árqaısymyzdy tolǵandyrǵan saýalǵa tolyqqandy jaýap berdi - Zarema Sháýkenova
«Memleket basshysy Qasym-Jomart Toqaevtyń málimdemesi jarııalandy. Onda Prezıdent búginde árbir qazaqstandyqty tolǵandyratyn barlyq saýalǵa tolyqqandy ári naqty jaýap berdi. Eń aldymen tótenshe jaǵdaı rejımin osy jylydń 11 mamyryna deıin sozý sheshimi qabyldandy. Bul oryn alyp otyrǵan qazirgi qıyndyqtardan týyndaǵa jaıt. Ókinishke ora ı, indettiń sharyqtaý shegi áli ótken joq. Bir sátte karantındik sharalardy alyp tastaǵan jaǵdaıda osy ýaqytqa deıin qol jetizgen jetistikterimizdiń bári, naqty aıtqanda vırýstyń taraý jaǵdaıyn baqylaýda ustaý zaıa bolady jáne aýrýǵa shaldyǵýdyń jańa tolqynymen betpe-bet kelemiz», - deıdi ol.
Onyń atap ótýinshe, indettiń qaýipti ekenin qaperden shyǵarýǵa bolmaıdy. Sebebi, búginde barsha álem osy pandemııaǵa tap bolyp otyr. Bul oraıda «Bul da óter» dep arqany keńge salýǵa bolmaıdy. Іndet adam balasynyń densaýlyǵyna úlken qater tóndiredi.
«Degenmen, koronavırýstyń taralýymen baılanysty ahýal baqylaýda turǵan oblystarda jáne qalalarda karantın rejımi jeńildetilýi múmkin. Eń aldymen ónerkásiptik kásiporyndar, bankter men halyqqa qyzmet kórsetý ortalyqtary úshin. Balalardyń oıyn alańdaryna shyǵýy, saıajaı ıelerine ýchaskede kóktemgi dala jumystaryn júrgizýge ruqsat berý jáne halyqtyń turmys-tirshiligin uıymdastyrýdyń ózge de mańyzdy máseleleri talqylanyp jatyr», - dedi Zárema Sháýkenova.
Instıtýt basshysynyń atap ótýinshe, kásiporyn basshylary men jergilikti bılik ózderine tolyq jaýapkershilik alyp, barlyq sanıtarlyq normalardyń saqtalýyn qamtamasyz etýi tıis.
«Kúndelikti ómir daǵdysynan aıyrylýy, josparlardyń, kiristerdiń ózgeriske ushyraýy, táýekel tobyndaǵy, ásirese qart adamdardyń, balalardyń densaýlyǵyndaǵy problema áleýmettik kóńil-kúıdiń tómendeýine ákeletini ras. Bul máseleler Úkimet tarapynan sheshilip jatyr jáne Prezıdenttiń turaqty baqylaýynda. Olar Qaýipsizdiń keńesiniń jáne «Nur Otan» partııasynyń tóraǵasy Elbasymyzdyń da jiti nazarynda tur. Halyqty qoldaý sharalarynyń eki toptamasy qabyldanyp, júzege asyrylyp jatyr. Bul jumystar júıeli negizde jalǵasa beredi», - dedi ol.