Prezıdent antııadrolyq saladaǵy Nazarbaev syılyǵy ne úshin taǵaıyndalǵanyn aıtty
«QR Tuńǵysh Prezıdenti álemdik qoǵamdastyq tap bolyp otyrǵan negizgi mindetterdi tujyrymdap, keleshek urpaqtyń qaýipsiz bolashaǵyn qurý qajettigin aıtqan bolatyn. Búgin Qazaqstannyń Tuńǵysh Prezıdenti N.Nazarbaev myrza ıadrolyq qarýsyzdaný men halyqaralyq qaýipsizdikti nyǵaıtýǵa orasan zor úles qosty dep aıta alamyz. Qazaqstannyń Tuńǵysh Prezıdenti adamzattyń aldynda kúrdeli dıllema turǵanyn ádil aıtyp otyr. Jahandyq táýekelderdi joıý úshin olardy durys baǵalaý qajet. Bolashaq urpaqqa qandaı álem qaldyramyz degendi oılaný kerek», - dedi QR Prezıdenti.
Q.Toqaev atap ótkendeı, ıadrolyq qarýǵa qarsy qozǵalysqa serpin berý úshin 2016 jyly «ıAdrolyq qarýsyz álem jáne jahandyq qaýipsizdik úshin Nazarbaev syılyǵy» taǵaıyndaldy.
«Biz halyqaralyq quqyq qaǵıdattaryna súıene otyryp, belsendi dıalogty damyta berýimiz qajet. «Jumyla kótergen júk jeńil» deıdi. Aldymyzda turǵan mindetterdi birge atqarýymyz kerek. Qazaqstannyń Tuńǵysh Prezıdenti-Elbasy Nursultan Nazarbaevtyń antııadrolyq bastamalary bul úderisterdiń mańyzdy baǵdary bola beredi dep senemin», - dedi Memleket basshysy.
Eske salaıyq, búgin elordada «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» tapsyrý rásimi ótti.