Prezıdent áleýmettik medıtsınalyq saqtandyrý júıesiniń tıimdiligin arttyrýdy tapsyrdy

ASTANA. QazAqparat – Tsıfrlandyrý ekonomıkanyń barlyq salalaryn qamtyp, azamattarymyzdyń ómiriniń barlyq salalaryna enýi tıis. Bul týraly Májilistiń jalpy otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Adamı kapıtaldyń sapasyn dáıekti jáne júıeli túrde arttyrý qajet. «Jaıly mektep» jobasyn tıimdi iske asyrýdy qamtamasyz etip, JOO bazasynda akademııalyq artyqshylyq ortalyqtaryn qurýdy jalǵastyrý qajet», - dedi Qasym-Jomart Toqaev.

Memleket basshysy otandyq ǵylymnyń keshendi damýyn jeke baqylaýyna alatynyn aıtty.

«Odan bólek, densaýlyq saqtaýdy jańa sapaly deńgeıge shyǵarý qajet. Ol úshin áleýmettik medıtsınalyq saqtandyrý júıesiniń tıimdiligin arttyrý kerek. Munda tsıfrlyq sheshimderdiń kómegimen shyǵyndardy baqylaýdy kúsheıtý óte mańyzdy. Jalpy, tsıfrlandyrý ekonomıkanyń barlyq salalaryn qamtyp, azamattarymyzdyń ómiriniń barlyq salalaryna enýi tıis. Ol úshin aqparattyq tehnologııalar naryǵyn barynsha yryqtandyrý qajet», - dedi Prezıdent.