Prezıdent áleýmettik mańyzy bar azyq-túlik baǵasy kóterilýin synǵa aldy
«Qazirgi áleýmettik mańyzy bar azyq-túlik taýarlarynyń baǵasyn ustap turý quraldary tıimsiz bolyp otyr. Jergilikti bıýdjetten saýda jelilerine azyq-túlik taýarlaryn arzanǵa satý úshin 30 mlrd teńgeden astam is júzinde tegin qaryz bólindi. Qazirgi jaǵdaıda bul sheshim jaman emes. Alaıda, bul sharanyń naryqqa áseri 1-4% aralyǵynda ǵana», - dedi Prezıdent Úkimettiń keńeıtilgen otyrysynda.
Memleket basshysy turaqtandyrý qorlarynda da osyndaı jaǵdaı ekenin jáne naryqtaǵy turaqtandyrý qorlary ónimderiniń úlesi 4%-dan aspaıtynyn jetkizdi.
«Fermerlerde óz ónimderin saqtaı otyryp, forvardtyq satyp alý quraly da jetkilikti iske qosylmaǵan. Ákimder ortalyqqa bas shulǵyp otyrmaýy kerek, óńirler úshin jaýapkershilik óz qoldaryńyzda, sondyqtan Úkimetke «Atameken» UKP-men birlesip, qoldanystaǵy quraldardyń tıimdiligin baǵalaýdy jáne neǵurlym tıimdi sharalar paketin usynýdy tapsyramyn»,-dedi Qasym-Jomart Toqaev.
Aıta keteıik, búgin Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótti.