Prezıdent áleýmettik kómek týraly: Jaǵdaıdyń yńǵaıyna qaraı júrip kele jatyrmyz
«Bıyl 1 qańtardan bastap ataýly áleýmettik kómektiń jańa formaty engizildi. Olqylyqtar joıyldy. Negizgi maqsat kólbalaly otbasyna júıeli qoldaý kórsetý bolyp otyr. Biraq, áli kúnge deıin naqty ustanym joq. Jaǵdaıdyń yńǵaıyna qaraı júrip kele jatyrmyz. Úkimet áleýmettik saladaǵy zańnamanyń joq-jitigin túgendeýi kerek»,- dedi Memleket basshysy.
Qazaqstan Prezıdenti áleýmettik ál-aýqat turǵyn máselesimen tyǵyz baılanysta ekendigin basa aıtty.
«2018-2019 jyldary turǵyn úılerdi paıdalanýǵa berý qarqyny barynsha joǵary bolatyn. Bul 25 myń otbasynyń baspana máselesin sheshýge múmkindik bergen edi. Onyń ishinde 5,5 myń az qamtylǵan, kópbalaly otbasy men 3 myń jumys isteıtin jas baspanaly boldy. Bul naqty nátıje. Tuńǵysh Prezıdenttiń «Baqyty otbasy», «7-20-25» baǵdarlamalary arqyly shamamen 20 myń otbasy zaıym aldy», - dedi Qasym-Jomart Toqaev.