Prezıdent áleýmettik qoldaýǵa qatysty pikir bildirdi

NUR-SULTAN. QazAqparat – Áleýmettik qamsyzdandyrý saıasatyn qaıta jańǵyrtý kerek. Bul týraly búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev málim etti, dep habarlaıdy QazAqparat tilshisi.

«Bizge áleýmettik qamsyzdandyrý saıasatyn qaıta jańǵyrtý kerek. Memleket kómekke muqtaj azamattardy qoldaýǵa basymdyq berýi tıis», - dedi Memleket basshysy.

Sonymen qatar Q. Toqaev memlekettik kómektiń ataýly sıpatyn jáne ony alý kezindegi tıisti talaptardy kúsheıtý kerektigin aıtty.

«Ázirlenip jatqan Áleýmettik kodeks osy mańyzdy salanyń ózekti máselelerine keshendi jaýap beretin bolady», - dedi Prezıdent.

Aıta keteıik , Nur Otan partııasynyń kezekten tys XX sezinde QR Prezıdenti Qasym-Jomart Toqaev Áleýmettik kodekstiń ázirlenýine qatysty pikir aıtqan bolatyn.