Prezıdent ál-Farabı atyndaǵy Qazaq ulttyq ýnıversıtetin 90 jyldyq mereıtoıymen quttyqtady

<p>ALMATY. KAZINFORM &ndash; Búgin ál-Farabı atyndaǵy QazUÝ 90 jyldyq mereıtoıyn atap ótip jatyr. Memlekettik keńesshi Erlan Qarın Qazaqstan Prezıdentiniń atynan bilim ordasyn mereıtoıymen quttyqtady</p>

Іs-sharaǵa irgeli bilim ordasynyń professorlyq-oqytýshylyq quramy, stýdentteri, túlekteri jáne ýnıversıtetpen seriktestik ornatqan sheteldiń joǵary oqý oryndarynyń ókilderi qatysty.

Erlan Qarın jıynda Qazaqstan Prezıdenti Qasym-Jomart Toqaevtyń quttyqtaý hatyn oqyp berdi. Hatta Memleket basshysy ýnıversıtettiń mereıli belesi ulttyq ǵylym jáne tutas bilim berý júıesi úshin aıtýly oqıǵa ekenin atap ótken.

– Qadirli qaýym, barshańyzdy ál-Farabı atyndaǵy qazaq ulttyq ýnıversıtetiniń qurylǵanyna 90 jyl tolýymen quttyqtaımyn. Bul tutas bilim jáne ǵylym salasynyń mereıli merekesi. QazUÝ elimizdiń tuńǵysh joǵary oqý oryndarynyń biri. Qasıetti qara shańyraq ǵasyrǵa jýyq ýaqyt ishinde irgeli bilim ordasyna aınaldy. Bilikti mamandar ustahanasy retinde óziniń biregeı dástúrin qalyptastyrdy,- delingen Memleket basshysynyń quttyqtaýynda.

QazUÝ – elimizdegi alǵashqy ýnıversıtetterdiń biri. Qazirgi tańda bilim ordasy halyqaralyq reıtıngterge sáıkes Ortalyq Azııa elderiniń joǵary oqý oryndary arasynda kósh bastap tur, al onyń túlekteri elimizdiń órkendeýine eleýli úles qosyp keledi.

– Qazirgi jastardy osy sabaqtastyqty saqtap, aǵa býynnyń jolyn laıyqty jalǵastyryp keledi.Bilim ordasy búgingi mereıtoıyna zor jetistiktermen jetip otyr. Bedeldi halyqaralyq reıtıngterde Ortalyq Aşııa aımaǵyndaǵy joǵarǵy oqý oryndarynyń kóshin bastaýy sonyń aıqyn dáleli.Óskeleń urpaqty bilim, ǵylymǵa baýlyp, olardyń boıyna adal azamatqa tán qasıetterdi sińirý jolynda eńbek etip júrgen ýnıversıtet ujymyna shynaıy rızashylyǵymdy bildiremin. Sizder aldaǵy ýaqytta da osy mıssııany abyroımen atqarasyzdar dep senemin, – delingen Prezıdent quttyqtaýynda.

Sonymen qatar Memlekettik keńesshi ýnıversıtet ujymyn, stýdentterin jáne túlekterin mereıtoımen quttyqtady. Ol ál-Farabı atyndaǵy Qazaq ulttyq ýnıversıtetiniń aıryqsha rólin atap ótip, oqý orny Almatynyń jáne otandyq bilim berý salasynyń belgili brendteriniń birine aınalǵanyn jetkizdi.

Bilim ordasynyń rektory Janseıit Túımebaev óz kezeginde oqý ornynyń ǵylymı-zertteý baǵytyndaǵy, ınnovatsııa salasyndaǵy jetistikteri, stýdentter qalashyǵynyń damýy, ýnıversıtettiń aldaǵy jospary týraly baıandady.

Saltanatty is-sharada ýnıversıtet qyzmetkerleri memlekettik nagradalarmen marapattaldy. Jas ǵalymdarǵa páter kilti tabystaldy. Sondaı-aq bilim ordasynyń tarıhy men jetistikteri týraly derekti fılm kórsetildi. Jıyn shyǵarmashylyq ujymdary, qazaq estradasy men operasynyń áıgili oryndaýshylarynyń qatysýymen ótken merekelik kontsertke ulasty.

Aıta keteıik, buǵan deıin sapasyz bilim beretin JOO-lardy qysqartý jalǵasatyny habarlanǵan.