Prezıdent «Ál-Azhar» ýnıversıtetiniń ókilin Astanaǵa shaqyrdy

<p>ASTANA. KAZINFORM - Prezıdent Qasym-Jomart Toqaev &laquo;Ál-Azhar&raquo; ýnıversıtetiniń Joǵarǵy ımamy Ahmed at-Taıebpen áńgimelesti, dep habarlaıdy Aqorda.</p>

Memleket basshysy musylman úmbeti úshin bilimniń, rýhanı tálim-tárbıe men izgiliktiń shamshyraǵy sanalatyn «Ál-Azhar» ýnıversıtetiniń abyroı-bedeline Qazaqstan jurtshylyǵy zor qurmetpen qaraıtynyn jetkizdi.

Prezıdent toleranttylyq pen konfessııaaralyq dıalogtyń nyǵaıýyna zor úles qosqany, sondaı-aq ıslam dininiń shynaıy qaǵıdattaryn dáriptegeni úshin Joǵarǵy ımamǵa rızashylyǵyn bildirdi. Memleket basshysynyń aıtýynsha, qazirgi jik-jikke bólingen zamanda osynaý qundylyqtardyń mán-mańyzy odan saıyn arta tústi.

Qasym-Jomart Toqaev sheıh Ahmed at-Taıebti kelesi jyly Astanada ótetin VIII Álemdik jáne dástúrli dinder kóshbasshylarynyń sezine qatysýǵa shaqyrdy.

Áńgimelesý barysynda teologııalyq bilim berý jáne ǵylymı zertteýler baǵytyndaǵy yntymaqtastyqty keńeıtý múmkindikteri talqylandy.

Eske salaıyq, búgin Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi. Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi. Sondaı-aq Qasym-Jomart Toqaev SOP29 cammıtinde birqatar eldiń basshylarymen áńgimelesti.