Prezıdent Aqtóbe oblystyq perınataldyq ortalyǵynyń qyzmetimen tanysty
19:06, 10 Jeltoqsan 2024
<p>AQTÓBE. KAZINFORM - Medıtsınalyq nysanda jylyna 8200 náreste dúnıege kelip, 13 myńnan astam adam em alady. Sonymen qatar «Ańsaǵan sábı» jobasy aıasynda jylyna 130 EKO jasalady. Al erte aralasý ortalyǵynda 200 bala ońaltý sharalarymen qamtylady, dep habarlaıdy Aqordanyń baspasóz qyzmeti.</p>
Prezıdentke ortalyqta týa bitken syrqaty bar nárestelerge 50 kardıohırýrgııalyq jáne oftalmologııalyq ota jasalǵany týraly málimet berildi. Ortalyq ashylǵanǵa deıin mundaı dıagnozy bar sábıler Astana qalasynda emdelgen.
Qasym-Jomart Toqaevqa mekemede jyl basynan beri júzege asyrylyp jatqan «Bir kúndik klınıka» jobasy tanystyryldy. Atalǵan bastama qanmen beriletin aýrýlardy erte bastan anyqtaýǵa kómektesedi. Osy joba aıasynda búginge deıin 6 myń áıel medıtsınalyq tekserýden ótken.
Memleket basshysy mekeme qyzmetkerlerimen áńgimelesip, olardyń jumysyna tabys tiledi.
Osyǵan deıin Memleket basshysynyń Aqtóbeniń jedel basqarý ortalyǵyna barǵanyn habarladyq.