Prezıdent AQSh-tyń Qazaqstandaǵy elshisi Denıel Rozenblıýmdi qabyldady

<p>Memleket basshysy AQSh-tyń Qazaqstandaǵy elshisi Denıel Rozenblıýmdi qabyldady, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a> Aqordanyń <a href="https://www.akorda.kz/kz/memleket-basshysy-aksh-tyn-kazakstandagy-elshisi-deniel-rozenblyumdi-kabyldady-22112818" target="_blank" rel="noopener">resmı saıtyna</a> silteme jasap.</p>

Kezdesý barysynda Qazaqstan men Amerıka Qurama Shtattary arasyndaǵy ekijaqty qatynastardy damytýǵa, sondaı-aq jahandyq jáne óńirlik qaýipsizdikke qatysty ózekti máseleler qarastyryldy.

Prezıdent Qasym-Jomart Toqaevtyń aıtýynsha, eki el qaýipsizdik, ornyqty damý, klımat problemasy, gýmanıtarlyq baılanys jáne basqa da kóptegen sala boıynsha yntymaqtastyq ornatqan.

Memleket basshysy ekonomıkalyq yqpaldastyqty ekijaqty qatynastardyń negizgi tiregi retinde atap ótip, saýda-ekonomıkalyq jáne ınvestıtsııalyq yntymaqtastyqty keńeıtý, sonyń ishinde Investıtsııa tartý jónindegi keńes qyzmeti aıasynda nyǵaıtý qajet ekenin aıtty.

Sonymen qatar kezdesýde saýda, kólik, logıstıka, «jasyl» energetıka, ekologııa, taý-ken óndirý ónerkásibi salalaryndaǵy baılanystardy arttyrý múmkindikteri talqylandy.