Prezıdent Ákimshiliginiń Basshysy SQO-nyń jańa ákimin tanystyrdy
Oljas Bektenov depýtattarǵa Soltústik Qazaqstan oblysynyń ákimi laýazymyna Sátjan Áıtenuly Ablalıev pen Ǵaýez Torsanuly Nurmuhambetovtiń kandıdatýralaryn usyný týraly Qazaqstan Respýblıkasy Prezıdentiniń hatyn oqyp berdi.
Ashyq daýys berýdiń nátıjesinde 56 depýtat Sátjan Ablalıevke, al 118 depýtat Ǵaýez Nurmuhambetovke daýys berdi. Jınalysqa barlyǵy 174 depýtat qatysty.
Daýys berý qorytyndysy boıynsha Prezıdent Jarlyǵymen Ǵaýez Torsanuly Nurmuhambetov Soltústik Qazaqstan oblysynyń ákimi bolyp taǵaıyndaldy.
Óńir aktıvine jańa ákimdi tanystyrǵan Oljas Bektenov Ǵaýez Nurmuhambetovtiń ortalyq jáne jergilikti memlekettik organdarda jaýapty qyzmetter atqarǵanyn jáne mol tájirıbesi bar ekenin atap ótti.
Prezıdent Ákimshiliginiń Basshysy óńirdi damytýǵa qosqan úlesi úshin burynǵy oblys ákimi Aıdarbek Saparovqa alǵys aıtty jáne onyń basshylyǵymen aımaqtaǵy agroónerkásip kesheniniń damý qarqyny artqanynyn, jańa kásiporyndar ashý, ınvestıtsııa tartý, týrızm salasyn ilgeriletý baǵytynda aýqymdy jumystar atqarylǵanyn jetkizdi.
Sonymen qatar Memleket basshysynyń bıylǵy 1 qyrkúıektegi halyqqa Joldaýynda aıtylǵan tapsyrmalaryna erekshe nazar aýdaryldy. Oblystyń jańa basshylyǵyna óńir ekonomıkasyn odan ári damytý, turǵyndardy sapaly aýyzsýmen jáne qajetti áleýmettik ınfraqurylymmen qamtamasyz etý, medıtsınany damytý, sondaı-aq ekinshi JEO-ny jóndeý jumystaryna qatysty birqatar mindet júktedi.
Oljas Bektenov Soltústik Qazaqstan oblysynyń ákimi Ǵaýez Nurmuhambetovtiń jaýapty qyzmetine tabys tiledi, sondaı-aq ol óńirdi órkendetýge, damytýǵa óz úlesin qosady, oblys turǵyndary men Memleket basshysynyń joǵary senimin aqtaıdy dep úmittenetinin aıtty.