Prezıdent Ákimshiliginde Memleket basshysynyń Joldaýyn iske asyrý barysy talqylandy

<p>Prezıdent Ákimshiliginiń Basshysy Oljas Bektenov Memleket basshysynyń Qazaqstan halqyna Joldaýyn iske asyrý barysyna arnalǵan keńes ótkizdi.&nbsp;<a href="https://kaz.inform.kz/" target="_blank" rel="noopener">QazAqparat</a>&nbsp;bul týraly&nbsp;<a href="https://akorda.kz/kz/memleket-basshysynyn-zholdauyn-iske-asyru-barysy-prezident-akimshiliginin-bakylauynda-2785315" target="_blank" rel="noopener">Aqordaǵa</a>&nbsp;silteme jasap habarlaıdy.</p>

Basqosýǵa Prezıdenttiń kómekshileri men keńesshileri, Úkimet basshylyǵy qatysty.

Ulttyq ekonomıka mınıstri Álibek Qýantyrov Memleket basshysynyń Joldaýda bergen tapsyrmalaryn oryndaý úshin Úkimette atqarylyp jatqan jumys týraly baıandama jasady.

Prezıdent Ákimshiligi Basshysynyń aıtýynsha, Joldaý el ekonomıkasyn qaıta qurýǵa jáne ekonomıkalyq serpilis jasaýǵa baǵyttalǵan júzden astam naqty tapsyrmany qamtıdy.

«Ortalyq jáne jergilikti atqarýshy organdar Prezıdent tapsyrmalaryn oryndaý úshin barynsha jedel ári tolyqqandy sharalar qabyldaýy qajet. Elimizdiń azamattary men bıznes ókilderi jýyq arada Joldaýdyń naqty nátıjesin sezinýi kerek» – dep atap ótti Oljas Bektenov.