Prezıdent ÁKK-lerdi sáýirdiń 1-ine deıin jergilikti atqarý organdarynyń qaraýyna berýdi tapsyrdy

aýryzdyń 12-si. QazAqparat /Rýslan Ǵabbasov/ - Búgin Aqordada ótken keńeste Elbasy Nursultan Nazarbaev Áleýmettik kásipkerlik korporatsııalardy (ÁKK) sáýirdiń 1-ine deıin jergilikti atqarý organdarynyń qaraýyna berýdi tapsyrdy,

dep habarlaıdy QazAqparat.

«ÁKK-lerdi beremiz, sodan keıin zańǵa túzetý engizemiz. Jedel túrde berý kerek»,-dep tapsyrdy Memleket basshysy.

Elbasy ÁKK-lerdi qurý ıedıasy durys ekenin, alaıda ol sońyna deıin jetkizilmegenin aıta kele: «Shildeniń 1-ine deıin kútýdiń qajeti joq. Eger shildeniń 1-ine deıin bolsa ony múldem toqtataıyq. Men bilemin, shildege deıin osynyń aınalasynda júrip, eshteńe istemeı júresizder. Buny qazir, ıaǵnı sáýirdiń 1-ine deıin isteý qajet»,-dep qadap aıtty Prezıdent.

Sonymen birge Memleket basshysy Áleýmettik kásipkerlik korporatsııalarda jumys istegen adamdardan top quryp, olar ındýstrııaldyq istermen aınalysyp, bıznesti damytýlary tıis ekenin jetkizdi.