Prezıdent Ákimshiliginiń qoǵamdyq qabyldaýyna qalaı jazylýǵa bolady
14:18, 14 Qazan 2019
NUR-SULTAN. QazAqparat – QR Prezıdenti Ákimshiliginiń qoǵamdyq qabyldaýy Telegram-kanalynda qabyldaýǵa jazylý erejesi túsindirildi, dep habarlaıdy QazAqparat tilshisi.
Vırtýaldy qabyldaýǵa jazylý úshin akorda.kz saıtyna kirip, «Vırtýaldy qabyldaý» bólimine tirkelý qajet. Tirkelý boıynsha qadamdyq nusqaýlyq jazylý protsesin avtomatty túrde retteıdi. Biraq, «elektrondy tsırflyq qoltańba» bolýy mindetti.
Al Qazaqstan Respýblıkasy Prezıdentiniń kómekshisi – QR Prezıdenti Ákimshiliginiń Ótinishterdi qaraýdy baqylaý bólimi meńgerýshisiniń qabyldaýyna myna telefondar arqyly jazylýǵa bolady: +7 7172 74 17 96 jáne +7 7172 74 97 06.
Azamattardy qabyldaý kestesi akorda.kz saıtynyń «Prezıdent Ákimshiligi – azamattardy qabyldaý» bóliminde ornalastyrylǵan.