Prezıdent Ákimshiliginiń qoǵamdyq qabyldaýy Telegram-kanalyn iske qosty
Qoǵamdyq qabyldaýdyń kanaly t.me/priemnaya_ap siltemesi arqyly qoljetimdi. Oǵan «Join» («Qosylý») túımeshesin basý arqyly jazyla alasyz. Qazirdiń ózinde qoǵamdyq qabyldaý kanalyna 400-den astam adam jazylyp úlgergen.
Aıta keterligi, Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi qyzmetin Aıda Balaeva atqarady. Jańa qyzmetine kirisken alǵashqy úsh aptada ol 100-den astam adamdy jeke qabyldady. Sodan keıin óńirlerge de saparlap, Qaraǵandy, Soltústik Qazaqstan oblystarynyń turǵyndarymen júzdesken edi.
QR Prezıdenti Ákimshiliginiń Ótinishterdi qaraýdy baqylaý bólimi qurylǵan sátten beri jazbasha jáne e-gov portaly, Prezıdenttiń vırtýaldy qabyldaýy arqyly 4 myńǵa jýyq ótinish kelip túsken. Munan bólek, bólim Nur-Sultan qalasynda, Qaraǵandy, Atyraý jáne Soltústik Qazaqstan oblystarynda azamattardy kóshpeli qabyldaý uıydastyryp, onyń barysynda 350-den astam azamattyń ótinishi qaralǵan.
Prezıdent ákimshiliginde qurylǵan front-keńsede de azamattardy jeke qabyldaý kúndelikti júzege asyrylady. Keńse qurylǵan sátten beri 500-den astam qabyldandy. Dál osyndaı front-keńseler elimizdiń barlyq óńirinde qurylǵan.