Prezıdent AES týraly: Bizge atom energııasy qajet

NUR-SULTAN. QazAqparat – QR Prezıdenti Qasym-Jomart Toqaev Úkimettiń keńeıtilgen otyrysynda elde AES salý múmkindigi týraly paıymyn aıtty, dep habarlaıdy QazAqparat tilshisi.

«Biz elektrmen jabdyqtaý júıesiniń jumysynda turaqty irkilisterge tap boldyq. Eń jarqyn mysal-jaqynda eldiń ońtústiginde elektr qýatyn óshirýmen baılanysty boldy. Biz shekaralas memleketterdiń energııa júıesindegi jumystyń sapasyna ishinara táýeldimiz», -degen Memleket basshysy eldiń energetıkalyq qaýipsizdigi problemasyn shuǵyl sheshý kerektigin basa aıtty.

«Jaýapty adamdardyń atom stantsııasynyń qurylysy týraly suraqtarǵa jaýap berýden nelikten qashqaqtaıtynyn túsinbeımin. Týrasyn aıtý kerek: taza atom energııasynsyz biz ınvestıtsııalar týraly aıtpaǵanda, búkil ekonomıkamyzdy joǵaltyp alamyz, óńirlik kóshbasshylyǵymyzdy joǵaltamyz», -degen Prezıdent máseleniniń mánine tereńdep barmaıtyn, popýlısterdiń sózine ermeý mańyzdy ekenin eske saldy.

«Bizge elektr energııasy qajet, al atomdyq, taza elektr energııasy kerek...Atom energetıkasynyń mańyzdylyǵyn kásibı túrde túsindirý qajet», - dedi Qasym-Jomart Toqaev.