Prezıdent AEF qatysýshylaryn «Astana» qarjy ortalyǵynyń ashylý rásimine shaqyrdy

ASTANA. QazAqparat - Búgin Global Challenges Summit 2018 forýmynyń jalpy otyrysynda Elbasy Nursultan Nazarbaev mártebeli meımandardy «Astana» halyqaralyq qarjy ortalyǵynyń resmı ashylý rásimine shaqyrdy, dep habarlaıdy QazAqparat tilshisi.

«Aǵylshyn quqyǵymen jáne táýelsiz sottarmen jumys isteıtin «Astana» halyqaralyq qarjy ortalyǵy «EKSPO-2017» ornynda quryldy. Ol qazirgi ýaqytta ashyq. Búgingi múmkinshilikti paıdalana otyryp Sizderdi atalǵan ortalyqtyń aǵymdaǵy jylǵy 5 shildede ótetin resmı tusaýkeserine shaqyramyn», - dedi Qazaqstan Prezıdenti.

Aıta keteıik, úsh kúnge sozylatyn bıylǵy forýmǵa álemniń túrli elderinen 500-ge jýyq spıker qatysýda. Bul AEF-tiń rekordtyq kórsetkishi. Top-spıkerler arasynda Frantsııanyń burynǵy prezıdenti Fransýa Olland, BUU-nyń burynǵy bas hatshysy Pan Gı Mýn, Dúnıejúzilik banktiń Eýropa jáne Ortalyq Azııa jónindegi bas ekonomısi Gans Tımmer, fızık, fýtýrolog Mıtıo Kaký, Golman Sachs burynǵy tóraǵasy Djım O'Nıl, Apple kompanııasynyń negizin qalaýshylardyń biri Stıv Voznıak, Reseı prezıdenttigine úmitker bolǵan Ksenııa Sobchak jáne ózge de tulǵalar bar.