Prezıdent Abaıdyń mereıtoıy týraly: Ysyrapshyldyq kerek emes

NUR-SULTAN. QazAqparat – Úkimettiń keńeıtilgen otyrysynda QR Prezıdenti Qasym-Jomart Toqaev Abaıdyń 175 jyldyǵyna arnalǵan sharalar qandaı baǵytta ótýi kerektigin túsindirdi, dep habarlaıdy QazAqparat tilshisi.

«Qajeti bolsa bólingen qarjyny qysqartý kerek. Ysyrapshyldyqqa jol bermeý qajet, toı degen toılaý úshin emes, bárimizge tolǵaý úshin kerek. Sondyqtan bul sharalarda uqyptylyq bolý kerek, ıaǵnı shekten tys kontsertterdi uıymdastyrýdyń qajeti joq. Sheteldik ártisterdi tartý qajet emes. ıAǵnı, demeýshilik qarjy bólingenniń ózinde, ysyrapshyldyq kerek emes. Meniń oıymsha, osy sharalardy iskerlik turǵyda ótkizýge bolady. Siz ákimderdiń arasynda eń tájirıbeli adamsyz. Osy oraıda, Abaıdyń 175 jyldyǵyn atap ótý aıasynda uıymdastyrylatyn barlyq sharalardy muqııat pysyqtap shyǵyńyzdar», - dedi Prezıdent Shyǵys Qazaqstan oblysynyń ákimi Danıal Ahmetovke qarata aıtqan sózinde.

Memleket basshysy atalǵan sharalarǵa aǵartýshylyq bastaýdy engizýdi tapsyrdy.

«Bul sharalar tájirıbelik mańyzdy, ıdeologııalyq júktemin qamtýy kerek», - dedi Qasym-Jomart Toqaev.