Prezıdent 2025 jylǵa deıin 1 myń mektep salýdy tapsyrdy
«Orta bilim berý júıesindegi túıitkildi máseleniń biri mekteptegi oryn tapshylyǵy. Qazirgi ýaqytta tapshylyq 225 myń oryndy quraıdy. Bul máselege qatysty sharýany búginnen bastap qolǵa almasaq onda 2025 jylǵa qaraı mekteptegi oryn tapshylyǵy 1 mln-ǵa jetýi múmkin. Buǵan deıin 2025 jyldyń sońyna deıin el boıynsha 800 mektep salýdy tapsyrsam, búgin ol kórsetkishti 1 myńǵa jetkizý mindetin qoıamyn», - dedi QR Prezıdenti Qasym-Jomart Toqaev.
Odan bólek, Memleket basshysy pedagogtardyń biliktilik kýrstaryn óz qarajaty esebinen ótýine jol bermeý qajettigin basa aıtty.
«Bilim berý júıesine yntaly jáne bilikti pedagogtar qajet. Muǵalimderdi qaıtadan oqytýdy 5 jylda emes 3 jylda bir ret ótkizý talap etiledi dep oılaımyn. Óıtkeni, olar jańa bilimdi tasymaldaýshy, naǵyz aǵartýshy bolýy tıis. Buǵan qosa, pedagogtardyń kýrstardy óz qarajaty esebinen ótýine jol bermeý qajet», - dedi ol.