Premer taýar óndirýshilerdi qoldaý jáne tasqyndy boljaýdyń tsıfrlyq quraldarymen tanysty
Atap aıtqanda, ázirlengen júıeler árbir óndiristik kásiporynnyń jumysyn qadaǵalaýǵa, memlekettik organdar tarapynan olardyń múddelerine nuqsan keltirý faktilerin onlaın rejıminde anyqtaýǵa múmkindik beredi. Maqsat – el naryǵyndaǵy ımport úlesin tómendetý úshin otandyq ónimniń damýyna qosymsha serpin berý.
Qazaqstannyń birqatar óńirindegi sý tasqyny jaǵdaıyn eskere otyryp, sý tasqynyn modeldeý jáne sý qoımalarynyń deńgeıin boljaý júıesiniń prototıpi qaraldy. Tájirıbelik úlgini ázirleý aıasynda drenajdy modeldeý jáne esepteý algorıtmderi jasaldy, birneshe ózen ýchaskelerinde pılottyq synaqtar júrgizildi. Tsıfrlyq qural retteletin jáne rettelmeıtin drenajdy esepteýge, sondaı-aq berilgen sý deńgeıindegi sý tasqyny aımaǵyn kartada kórsetýge múmkindik beredi.
Úkimet basshysy Oljas Bektenov usynylǵan tsıfrlyq sheshimderdi saraptamalyq talqylaý qorytyndysyna sáıkes jobalardy maquldap, pılottyq rejımde engizý sharalaryn bastaýdy tapsyrdy. Sý tasqynynan kelgen zalaldy óteýge ótinimder qabyldaý qyzmetin qysqa merzimde iske qosýdy, sondaı-aq qolda bar beınebaqylaý kameralary arqyly onlaın rejımde sý tasqynyna qarsy is-sharalardyń oryndalýyn esepke alý jáne baqylaý júrgizý qajettigine toqtaldy.
«Memleket basshysy óz Joldaýynda Qazaqstandy IT elge aınaldyrý úshin strategııalyq mańyzdy mindet qoıdy. Durys basqarýshylyq sheshimderdi qabyldaý úshin sapaly, jedel aqparatqa qol jetkizip, jańa tehnologııalardy qoldaný kerek. Usynylyp otyrǵan tásilderdi ekonomıkanyń basqa salalary boıynsha keńeıtý qajet. Barlyq quraldar men málimetter qoljetimdi. Derekter almasýdy jáne júıelerdi ıntegratsııalaýdy durys jolǵa qoıý kerek», — dep atap ótti Oljas Bektenov.
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınge derekterdiń ýaqtyly jańartylýyn jáne tsıfrlyq quraldardy ómirdiń barlyq salalaryna jedel engizýdi qamtamasyz etý tapsyryldy.