Premer-Mınıstrdiń orynbasary men TJM basshysy BQO-ǵa bardy

<p>ASTANA. KAZINFORM &ndash; Batys Qazaqstan oblysynda Jaıyq ózenindegi sý deńgeıi qaýipti shekten asyp barady. Bul týraly BQO ákimdigi baspasóz qyzmetiniń basshysy Erhan Tatken aıtty.</p>

«Batys Qazaqstan jaǵdaı áli de kúrdeli. Tańerteńgi aqparat boıynsha Jaıyq ózenindegi sý deńgeıi 852 santımetrge jetti. ıAǵnı qaýipti deńgeıden asyp barady. Bul turǵyda Oral qalasy men óńirdegi Aqjaıyq, Bórli, Terekti, Báıterek aýdandarynda tasqynǵa qarsy jumystar kúsheıtilgen rejımde iske asyrylyp jatyr», - dedi E. Tatken Ortalyq kommýnıkatsııalar qyzmetindegi brıfıfngide.

Onyń aıtýynsha, dál qazir óńirge Premer-Mınıstrdiń orynbasary Qanat Bozymbaev pen Tótenshe jaǵdaılar mınıstri Shyńǵys Árinov keldi. Olar Batys Qazaqstan oblysynyń ákimi Narıman Tóreǵalıevpen birge óńirdegi sý basý qaýpi bar aýmaqtaryn aralaıdy.

«Qazir oblysta 13 myńnan astam adam (sonyń 6 myńy bala) qaýipsiz jerge kóshirildi. Jalpy, óńirdegi tıisti qurylymdar kúsheıtilgen rejımde jumys istep jatyr. Oblysqa 2 myńnan astam tehnıka, sonyń ishinde 1 myńnan astam arnaıy tehnıka jumyldyryldy. Atap aıtqanda, 10 myńnan astam adam sý tasqynyna qarsy jumystardy atqaryp jatyr», - dedi baspasóz hatshysy.

Budan buryn habarlanǵandaı, búgin QR Tótenshe jaǵdaılar mınıstrligi ókili Asqar Shárip elimizde avarııalyq-qutqarý jáne sý tasqynyna qarsy jumystarǵa 36,5 myń adam jumyldyrylǵanyn aıtty.