Premer-mınıstr jer úılerdiń qaýipsizdigi týraly: Eki kúnniń birinde órt

<p>ASTANA. KAZINFORM &ndash; Premer-mınıstr Oljas Bektenov Úkimet otyrysynda jer úılerdegi órttiń azaımaı turǵanyna alańdaýshylyq bildirdi.</p>

«Jylý berý kezeńi endi ǵana bastaldy. Al, elimizdiń turǵyn úı sektorynda eki kúnniń birinde órt shyǵady. Pesh jaǵý kezinde qarapaıym qaýipsizdik talaptarynyń saqtalmaýynan bir aıda 130-dan astam órt tirkelgen.

Sondaı-aq ıis tıip ýlanǵan jaǵdaılar jıilep ketti. Qaza tapqandar da bar. Oqys jaǵdaılardy barynsha azaıtpasaq bolmaıdy», - dedi Úkimet basshysy.

Onyń sózinshe, qys pen kúzde órttiń 50%-ǵa jýyǵy pesh pen murjalardaǵy aqaýlardan keledi.

«Tótenshe jaǵdaılar mınıstrligi osyǵan basa nazar aýdaryp, mundaı buzýshylyqtarǵa beı-jaı qaramaýǵa tıis. Tek usynym berýmen ǵana shektelýge bolmaıdy. 

Ol úshin gaz-tehnıkalyq ınspektsııanyń ókilettigin kúsheıtý kerek. Tótenshe jaǵdaılar, Іshki ister mınıstrlikteri men ákimdikter bul baǵyttaǵy profılaktıkalyq jumysty kúsheıtýi qajet», - dedi Oljas Bektenov.