Premer-Mınıstr Ýkraına tóńiregindegi jaǵdaıǵa baılanysty shuǵyl jıyn ótkizdi

<p>ASTANA. KAZINFORM &mdash; Premer-mınıstr Oljas Bektenov Ýkraına tóńiregindegi jaǵdaıǵa baılanysty qorǵanys, ishki ister, tótenshe jaǵdaılar, syrtqy ister, densaýlyq saqtaý, kólik, energetıka, ónerkásip jáne qurylys, ulttyq ekonomıka, qarjy mınıstrlikteriniń basshylyǵymen Memleket basshysynyń negizgi áskerı jáne azamattyq obektilerdiń qaýipsizdigin qamtamasyz etý jóninde shuǵyl sharalar qabyldaý týraly tapsyrmalaryn oryndaý jóninde jedel keńes ótkizdi. Bul týraly QR Úkimeti habarlady.&nbsp;</p>

Premer-mınıstr qorǵanys mınıstri Rýslan Jaqsylyqovtyń strategııalyq jáne ınfraqurylymdyq obektilerdi qorǵaýdy qamtamasyz etý boıynsha júrgizilip jatqan jumystar týraly málimetterin tyńdap, memlekettik organdardyń is-qımyldaryn kúsheıtýge baǵyttalǵan birqatar mindetter qoıdy. Turaqtylyq pen qoǵamdyq tártipti saqtaý, kólik qatynasynyń qaýipsizdigi, densaýlyq saqtaý obektileriniń qyzmeti jáne basqa da máselelerge nazar aýdaryldy.

Ýákiletti qurylymdardyń basshylyǵyna Prezıdenttiń qaýipsizdikti qamtamasyz etý jónindegi tapsyrmalarynyń oryndalýyn erekshe baqylaýda ustaý jáne jaǵdaıdyń ózgerýi týraly shuǵyl rejımde baıandaý tapsyryldy.

Eske sala keteıik, buǵan deıin Memleket basshysy Ýkraınadaǵy ahýaldyń ýshyǵýyna baılanysty elimizdegi tıisti qurylymdarǵa shuǵyl sharalar qabyldaýdy tapsyrǵan edi. Bul týraly QR Prezıdentiniń keńesshisi – Prezıdenttiń Baspasóz hatshysy Berik Ýálı málimdegen bolatyn.