Premer-Mınıstr Oljas Bektenov qazaqstandyqtardy Pasha merekesimen quttyqtady

<p>ASTANA. KAZINFORM &ndash; Úkimet basshysy Qazaqstan halqyn Pasha merekesimen quttyqtady.&nbsp;</p>

«Qurmetti qazaqstandyqtar! Sizderdi Pasha merekesimen shyn júrekten quttyqtaımyn!
Bul kún – ultaralyq tatýlyq pen etnosaralyq kelisim úılesim tapqan bizdiń elimiz úshin de erekshe meıram.

Halqymyzdyń aýyzbirshiligi, ult pen ulystyń jáne túrli din ókilderiniń ózara syılastyǵy — táýelsiz memleketimizdiń eń úlken baılyǵy. Osynaý rýhanı kemel qundylyqtardy ulyqtaı bilgen qazaqstandyqtar árdaıym bir-birin meıirimge, shynaıy baýyrlastyqqa, izgi qadamdarǵa úndeıdi. Qýanyshty kúni shańyraqtaryńyz shattyqqa tolsyn. 

Elimizdiń barsha pravoslav hrıstıandaryna jáne otandastarymyzǵa zor densaýlyq, baqytty ǵumyr, tolaıym tabys tileımin!», - dedi Oljas Bektenov.