Premer-Mınıstr Oljas Bektenov Erkın Týnıazben kezdesti

<p>ASTANA. KAZINFORM -&nbsp;Premer-Mınıstr Oljas Bektenov &laquo;QR-QHR saýda qatynastaryn damytýdaǵy jańa tásilder&raquo;&nbsp;taqyrybyndaǵy eksporttaýshylardyń ekinshi forýmyna qatysý úshin Astanaǵa kelgen QHR <a target="_blank">Shyńjań-Uıǵyr avtonomııalyq aýdany QKP partııa komıteti hatshysynyń orynbasary</a>, ShUAA Halyq úkimetiniń tóraǵasy Erkın Týnıazben&nbsp;kezdesti. Bul týraly Úkimettiń baspasóz qyzmeti málimdedi.</p> <!-- [if !supportLineBreakNewLine]--> <p></p> <!--[endif]-->

Kelissóz barysynda Memleket basshylary deńgeıinde qol jetkizilgen ýaǵdalastyqtardy iske asyrý aıasynda saýda-ekonomıkalyq jáne ınvestıtsııalyq salalardaǵy yntymaqtastyq máseleleri talqylandy. 

Foto: Úkimettiń baspasóz qyzmeti

Qytaı – Qazaqstannyń iri syrtqy saýda seriktesi. Ótken jyldyń qorytyndysy boıynsha ekijaqty taýar aınalymy $31,5 mlrd boldy.Qytaıdyń Shyńjań-Uıǵyr avtonomııalyq aýdany elimizdiń tórt oblysymen shektesedi. QHR-dyń jalpy taýar aınalymynyń 64%-dan astamy nemese $20,3 mlrd-y avtonomııalyq aýdannyń úlesine tıesili.

Taraptar ınvestıtsııalyq yntymaqtastyqtyń nyǵaıyp jatqanyn atap ótti. 2005 jyldan bastap QHR-dan ınvestıtsııalardyń jalpy aǵyny $25 mlrd-qa jýyqtady.  Ótken jyldyń 9 aıynda tikeleı qytaılyq ınvestıtsııalar kólemi 37%-ǵa ósti. Búgingi tańda 45 ekijaqty jobadan turatyn tizimniń jalpy ınvestıtsııasy $14,5 mlrd-tan astam somany quraıdy.

«Aradaǵy ózara is-qımyldyń mańyzdy baǵyty – jańa birlesken ónerkásiptik jobalarǵa negizdelgen, onyń ishinde munaı hımııasy jáne metallýrgııa salalaryndaǵy ınvestıtsııalyq yntymaqtastyqty keńeıtý», - dedi Oljas Bektenov.

 Ol sondaı-aq saýda qatynastaryn ártaraptandyrý áleýeti zor ekenin atap ótti. Kelissóz barysynda Oljas Bektenov pen Erkın Týnııaz ózara is-qımyldy damytýdyń múmkindikteri retinde tranzıttik kólik, mádenı jáne óńiraralyq baǵyttardy, sondaı-aq aýyl sharýashylyǵy jáne týrızm salalaryn atap ótti.