Premer-Mınıstr memlekettik satyp alýda otandyq taýarlardyń úlesin arttyrýdy tapsyrdy

<p>ASTANA. KAZINFORM &ndash; Qazaqstan Premer-Mınıstri Oljas Bektenov memlekettik satyp alýlar men kvazımemlekettik sektordyń satyp alýlarynda otandyq taýarlardyń úlesin arttyra otyryp, olardy túbegeıli jeńildetýdi jáne jedeldetýdi tapsyrdy. Bul týraly Premer-Mınıstrdiń resmı aqparattyq resýrsy baspasóz qyzmeti jazdy.&nbsp;</p>

Úkimet basshysy qoldanystaǵy rásimder kóbinese memlekettik satyp alýlar úderisiniń ádeıi keshiktirilýine ákelip soqtyratynyn, onyń saldarynan jańa jobalardy iske asyrý jáne tutastaı alǵanda ekonomıkanyń damýy baıaýlaıtynyn atap ótti.

«Mundaı jaǵdaıda pármendi túrde alǵa jyljý kerek, óıtkeni qazirgi satyp alý júıesi bárin tejep otyr. Konkýrstarǵa shaǵymdaný rásiminiń tóńireginde tutas astyrtyn bıznester paıda boldy. Keıinnen bul máselege qaıta aınalyp soqpas úshin biz jaǵdaıdy túbegeıli ózgertýimiz kerek», — dedi Oljas Bektenov Úkimettegi keńeste.

Bul rette ol tıisti yntalandyrý tetikteri arqyly satyp alýlardaǵy otandyq taýarlardyń úlesin edáýir arttyrý qajettigine toqtaldy. Bul – respýblıkada áli jolǵa qoıylmaǵan jańa óndiristerdi qoldaýǵa da qatysty másele.

Oljas Bektenov memlekettik organdarǵa qysqa merzimde sarapshylarmen jáne bıznes-qoǵamdastyqpen birge qajetti sharalardy pysyqtaýdy, olardy Parlament qaraýyndaǵy zańnamalyq túzetýlerge engizýdi tapsyrdy.

Sondaı-aq jıynda QazTech memlekettik basqarýdyń biryńǵaı tsıfrlyq platformasyn iske qosý jáne turǵyn úı saıasatyn reformalaý máseleleri qaraldy.