Premer-Mınıstr elge janashyrlyq tanytqan kásipkerlerge alǵys aıtty

<p>ASTANA. KAZINFORM &ndash; Uıymshyldyq pen aýyzbirshiliktiń arqasynda sý tasqyny tabıǵı apatyn aman-esen eńsere aldyq. Bul týraly elordadaǵy &laquo;Adal azamat. Adal eńbek. Adal bıznes&raquo; forýmynda Premer-Mınıstr Oljas Bektenov málim etti.</p>

«Memleket basshysy bıylǵy Joldaýynda bıznes júrgizýge qajet jaǵdaıdy jaqsartý boıynsha bizdiń aldymyzǵa birneshe naqty mindet qoıdy. Osy oraıda Úkimet kásipkerlermen birge eldegi iskerlik belsendilikti arttyrý, bıznes bastamalarǵa qolaıly jaǵdaı jasaý baǵytynda jumystardy turaqty júrgizip keledi. Kez kelgen ekonomıkanyń negizgi tiregi kásipkerlik ekeni barshamyzǵa málim. Sondyqtan otandyq kásipkerlermen senimdi jáne ózara tıimdi seriktestik ornatý – Úkimet úshin sózsiz basymdyq», - dedi O.Bektenov.

Premer-Mınıstr bıylǵy aýqymdy sý tasqyny kezinde bıznes ókilderi de jumylyp, jergilikti halyqqa kómek qolyn sozǵanyn eske saldy.

«Uıymshyldyq pen aýyzbirshiliktiń arqasynda tabıǵı apatty aman-esen eńsere aldyq. Shaǵyn jáne orta bıznes sýbektileri de bul apattan qatty zardap shekti. Olarǵa keltirilgen shyǵyndardy óteý jumystary osy jyldyń sáýir aıynan bastap júrip jatyr. Búgingi kúnge deıin 10 mlrd teńgeden astam shyǵyn óteldi», - dedi ol.

Sonymen qatar Úkimet basshysy bıznes Prezıdenttiń jalpyulttyq «Taza Qazaqstan» bastamasyn iske asyrýǵa da belsendi atsalysyp jatqanyn atap ótti.

«Bul aktsııa aýyldyń nemese qalanyń tazalyǵy ǵana emes, ortaq maqsatqa jumylǵan qoǵamnyń birliginiń aıqyn kórinisi. Sondyqtan elge janashyrlyq tanytqan azamattar men kásipkerlerdiń barlyǵyna Úkimettiń atynan shynaıy rızashylyǵymdy bildirgim keledi», - dedi Oljas Bektenov.

Aıta keteıik, osyǵan deıin Premer-mınıstr Oljas Bektenov tıisti mınıstrler men óńir ákimderiniń qatysýymen 2025 jylǵy sý tasqyny kezeńine daıyndyq máselesi boıynsha keńes ótkizdi.