Premer-Mınıstr Almaty oblysynyń ónerkásiptik jáne kólik-logıstıkalyq áleýetimen tanysty
Atap aıtqanda, «Jetigen» jańa kólik-logıstıkalyq ortalyǵy men G-TRANS Service ındýstrııalyq-logıstıkalyq haby qurylysy, sondaı-aq «Qaırat» jáne «Damý» ındýstrııalyq aımaqtaryn keńeıtý jumystarynyń barysy tekserildi.
Logıstıkalyq ortalyqtardy aralaý barysynda Úkimet basshysy kólik ınfraqurylymy men logıstıkany damytýdyń ózektiligine toqtalyp, jobalardy tabysty iske asyrý úshin jetispeı turǵan kommýnıkatsııalardy júrgizý jóninde birqatar tapsyrma berdi. Bul jumysty Bıznestiń jol kartasy baǵdarlamasy aıasynda aıaqtaý qajet. Sondaı-aq ónerkásipti damytý úshin qajetti jaǵdaılar jasaýdyń mańyzdylyǵy atap ótildi.
«Memleket basshysy óziniń Joldaýynda kólik-logıstıkalyq áleýetti iske asyrýdyń strategııalyq mańyzdylyǵyn atap kórsetti. Zor perspektıvalardy ashatyn osy eleýli artyqshylyqtardy paıdalanýymyz kerek. Biz saýda men jalpy ekonomıkaǵa utymdy áser etetin jańa jobalarǵa qyzyǵýshylyq tanytyp otyrmyz. Qazirgi tańda ınfraqurylymdyq máselelerdi sheship jatyrmyz, bıznestiń jumysy úshin qajetti jaǵdaı jasap, tıisti kommýnıkatsııalar qurylady. Sonymen birge kásiporyndardyń ózderi únemdelgen qarajatty ónim sapasyn arttyrýǵa jáne jańa jumys oryndaryn qura otyryp, odan ári keńeıtýge baǵyttaı alady», - dep atap ótti Oljas Bektenov.
Máselen, Jetigen aýylynda qýattylyǵy jylyna 500 myń konteınerge deıin, jalpy júk aınalymy 5 mln tonnaǵa jetetin Ortalyq Azııadaǵy alǵashqy iri ındýstrııalyq-logıstıkalyq habtyń salynýy 3,5 myń jumys ornyn qurýǵa múmkindik beredi. Joba nysannyń QHR shekarasyna jaqyn ornalasýy esebinen Ortalyq Azııa elderimen jáne Qytaımen júk aǵynyn arttyrýǵa baǵyttalǵan.
Buǵan qosa Premer-Mınıstr ındýstrııalyq aımaqtar aýmaǵyndaǵy kompanııalardyń jumysymen tanysty. Oljas Bektenov «Bent» temirbeton buıymdaryn, «TehnoNıkol – Ortalyq Azııa» qurylys materıaldaryn, «Shın-Laın» balmuzdaǵyn óndirýdiń tehnologııalyq protsesin qarap shyqty.
Sondaı-aq qus etin óndiretin TMD-daǵy eń iri joǵary tehnologııalyq avtomattandyrylǵan kásiporyn qurý boıynsha jańa ınvestıtsııalyq joba tanystyryldy. Joba elimizdiń azyq-túlik qaýipsizdigin qamtamasyz etýge jáne eksportqa baǵdarlanǵan. Tolyqtaı iske qosylǵan kezde ónimdiligi jylyna 240 myń tonna qus etine deıin, al jumysshylar sany 6 myń adamǵa jetkiziledi. Bul EAEO aýmaǵyndaǵy eń iri qus fabrıkasy bolmaq. Sondaı-aq Qazaqstannyń ımportqa táýeldiligin azaıtyp, qus etine degen suranysyn tolyq qanaǵattandyrýǵa múmkindik beredi.
Sonymen qatar Úkimet basshysy balyq ónerkásibi keshenine bardy. Kásiporynda ishki jáne syrtqy naryqtarda satý maqsatynda teńiz balyǵy ósiriledi. Búginde nysannyń óndiris qýattylyǵy 1 myń tonnany quraıdy, aldaǵy ýaqytta ony 10 myń tonnaǵa deıin arttyrý kózdelgen.
«Azyq-túlik qaýipsizdigi – bul nómiri birinshi másele. Biz ózimizdi negizgi azyq-túlik taýarlarymen qamtamasyz etýimiz kerek», - dep atap ótken Oljas Bektenov Úkimet ónerkásip sektoryn qoldaý sharalaryn odan ári jalǵastyratynyn aıtty.
Anyqtama: Almaty oblysynyń ónerkásip óndirisiniń jalpy kólemi 2024 jyldyń 4 aıynyń qorytyndysy boıynsha ótken jyldyń sáıkes kezeńimen salystyrǵanda 3,2%-ǵa ósip, 573,6 mlrd teńgege jetti.