Premer-lıgada «Turan» komandasy «Shahterdi» jeńdi

<p>TÚRKІSTAN. KAZINFORM — Fýtboldan Qazaqstan premer-lıgasynyń 20-týr oıyndary ótti. «Túrkistan arena» stadıonynda Túrkistan oblysynyń «Turan» komandasy Qaraǵandynyń «Shahterin» qabyldady. </p>

Jeti myń jankúıer jınalyp, stadıon lyq toldy. 

Týrnır kestesinde 11-orynda turǵan «Turan» komandasy óz alańynda 13-orynda turǵan qaraǵandylyq qarsylasyn tolassyz shabýyldarmen qarsy aldy.

Alǵashqy mınýttan ótkir shabýyldar uıymdastyryp, oıyn tizginin qolǵa aldy. Sondaı shabýyldardyń biri jemisin berip, oıynnyń 26-mınýtynda Ivan Homýha esep ashty.

Osylaısha birinshi taım alań ıeleriniń paıdasyna sheshildi. 

Ekinshi taım alma-kezek shabýyldarmen jalǵasty. Alań ıeleri esepti eseleýge tyryssa, qonaqtar teńestirýdi kózdedi.

Foto: Túrkistan oblysy ákimdigi

Sondaı urymtal sáttiń birinde «Turan» qaqpasyna penaltı belgilendi.

Aıyp soqqysyn qaqpashy qaıtarǵanymen, tóreshi sol sátti VAR júıesinen kórip, penaltıdi basynan tepkizý týraly sheshim qabyldady. 

Ashortııa esepti teńestirdi. Bul 67-shi mınýt bolatyn. 

Qıyn jaǵdaıǵa tap bolǵan túrkistandyqtar jankúıerlerdiń qyzý qoldaýymen alǵa umtyldy. Asa tartysty matchta qos komanda sapynan da bir-bir oıynshydan qýylǵanyn aıta ketken jón.

Oıynnyń 99-mınýtynda Mıshov jeńis golyn salyp, komandasyna asa mańyzdy 3 upaıdy syılady. «Túrkistan arena» stadıonyna jınalǵan 7000 jankúıer qýanyshtan shattanyp, «Túrkistan» ánin birge shyrqady.

Osylaısha Túrkistanǵa úlken fýtbol tamasha jeńispen oraldy.