Premer-lıga: Turan ekinshi ret jeńiske jetti

<p>TÚRKІSTAN. KAZINFORM - Fýtboldan Qazaqstan premer-lıgasynyń kezekti týr oıyndary ótti. Túrkistan oblysynyń namysyn qorǵaıtyn &laquo;Turan&raquo; komandasy &laquo;Túrkistan Arena&raquo; stadıonynda Petropavldyń &laquo;Qyzyljar&raquo; fýtbolshylaryn qabyldap, 1:0 esebimen jeńiske jetti.</p>

Tartysty oıynnyń 5-mınýtynda turandyq Nıkola Tsýkchıch oıyndaǵy jalǵyz jeńis golyn soǵyp, áriptesterin alǵa shyǵardy. Oıynnyń qalǵan bóligi alma-kezek shabýyldarmen órbigenimen, esep ózgermedi. 

Osylaısha, «Turan» komandasy 21 týr aıasynda ótken kezdesýde 3 upaı enshilep, týrnır kestesinde jaǵdaılaryn birshama jaqsartyp aldy. Olar 19 upaımen 11-orynda keledi.

«Turannyń» qatarynan 2 ret jeńiske jetýine «Túrkistan Arena» stadıonyna oralýy da óz áserin tıgizdi. Eki oıynda da stadıonda jankúıerler qatary qalyń bolyp, fýtbolshylarǵa shabyt syılaı bildi. 

Taǵy bir aıta keterligi, oıynnan keıin Túrkistan oblystyq qoǵamdyq damý basqarmasynyń «Jastar resýrstyq ortalyǵy» KMM-niń úılestirýimen Túrkistannyń belsendi jastary stadıonda tazalyq jumystaryn júrgizip, kópshilikke úlgi kórsetti. 

Endi «Turan» aıaqdop sheberleri 27-qyrkúıek kúni Shymkentte «Ordabasy» komandasymen kezdesedi. 

Budan buryn, premer-lıgada «Turan» komandasy «Shahterdi» jeńdi.