Premer-lıga: «Tobyl» óz alańynda «Qaıratty» jeńdi

<p>ASTANA. KAZINFORM - Fýtboldan Qazaqstan Premer-lıgasynyń on birinshi týrynda qostanaılyq &laquo;Tobyl&raquo; óz alańynda Almatynyń &laquo;Qaıratyn&raquo; jeńdi.</p>

Qostanaılyq klýb tórt týr boıy jeńilistiń aşy dámin tatty. Saldarynan týrnır kestesindegi jaǵdaıyn qıyndatyp aldy. Osydan keıin bas bapker Mılıch Chýrchıch qyzmetinen ketti. Onyń ornyna Nurbol Jumasqalıev taǵaıyndaldy.

Qazaqstandyq mamannyń jetekshiligimen ótken alǵashqy kezdesýde qostanaılyq klýb úsh upaıdy oljalap ketti. Búgingi kezdesýde Igor Ivanovıchtiń 31-mınýtta soqqan jalǵyz goly oıyn taǵdyryn sheshti.

Osylaısha qostanaılyq klýb qarsylasyn 1:0 esebimen tize búktirip, týrnır kestesinde altynshy orynǵa kóterildi.

Al «Shahter» óz alańynda «Atyraýǵa» 1:3 esebimen jeńilse, «Qaısar» men «Turan» 1:1 esebimen teń tústi.

Endi 16 maýsymda «Jetisý» (Taldyqorǵan) men «Jeńis» (Astana), «Elimaı» (Semeı) men «Aqtóbe», «Astana» men «Ordabasy» (Shymkent) komandalary oınaıdy.