Premer-lıga: «Ordabasy» «Shahterdi» jeńip, chempıon atandy

<p>Fýtboldan premer-lıga komandalary arasyndaǵy el birinshiliginiń 25-týrynda &laquo;Ordabasy&raquo; &laquo;Shahterdi&raquo; jeńip, óz tarıhynda alǵash ret chempıon atandy, dep habarlaıdy<a href="https://kaz.inform.kz/" target="_blank" rel="noopener">&nbsp;Kazinform.</a></p>

Bıylǵy birinshiliktiń chempıondyq taǵdyry «Ordabasy» (Shymkent) men «Shahterdiń» (Qaraǵandy) kezdesýinde sheshildi. Bul oıynda shymkenttik klýb kem degende teń tússe, bir týr buryn chempıon atanatyn edi.

Alǵashqy mınýttan shymkenttik klýb oıyndy belsendi bastady. Nátıjesinde Aıbar Jaqsylyqov – 4, Shahboz Ýmaro – 12, Artem Besedın 27-mınýtta úsh gol soǵyp úlgerdi.

Oǵan «Shahter» sapynan Temýr Chogadze 47-mınýtta bir golmen jaýap qaıyrdy.

Osylaısha «Ordabasy» qarsylasynan 3:1 esebimen basym tústi.  

Aıta keteıik, búgin «Oqjetpes» pen «Aqtóbe» 1:1 esebine qanaǵat bildirse, «Qaısar» «Atyraýdy» 1:0 esebimen tize búktirdi.

Sondaı-aq 21 qazanda «Maqtaaral» «Qyzyljardan», «Astana» «Atyraýdan» 2:1, «Qaırat» «Aqsýdan» 4:1 esebimen basym tússe, «Tobyl» men «Kaspıı» 1:1 esebimen teń tarqasty. 

Qazirge deıin el chempıony ataǵyna barlyǵy 10 komanda qol jetkizdi. Olardyń arasynan elordalyq «Astana» 7 márte jeńimpaz tuǵyryna kóterilse, Pavlodardyń «Ertis» jáne «Aqtóbe» – 5, almatylyq «Qaırat», semeılik «Elimaı», elordalyq «Jeńis» – 3, Qostanaıdyń «Tobyly» men Qaraǵandynyń «Shahteri» – 2, «Taraz» 1 márte altyn medal aldy.

«Ordabasy» alǵash ret chempıon atandy. Shymkenttik klýb buǵan deıin 2017, 2019 jyldarda qola júldege qol jetkizdi.