ASTANA. KAZINFORM - Búgin, 23 maýsymda fýtboldan Qazaqstan Premer-lıgasynyń on ekinshi týrynda shymkenttik «Ordabasy» elordalyq «Jeńisten» basym tústi.
Kezdesý barysynda elordalyq komanda alǵashqy bolyp esep ashty. Olardyń qatarynan Marın Belanchıch 16-mınýtta esep ashqan edi.
Oıynnyń 46-mınýtynda «Ordabasy» shabýylshysy Dembo Darbo tarazy basyn teńestirdi.
Al Rejınaldo 47-mınýtta shymkenttik klýbty alǵa shyǵarsa, Erkebulan Tuńǵyshbaev 81-mınýtta qorytyndy esepti belgiledi.
Osylaısha «Ordabasy» qarsylasynan 3:1 esebimen basym túsip, týrnır kestesinde birinshi orynǵa kóterildi.
Atalǵan týrdaǵy taǵy bir kezdesýde «Atyraý» men «Tobyl» 1:1 esebine qanaǵat bildirdi.
Dál qazir «Aqtóbe» men «Shahter», «Turan» men «Elimaı» kezdesýi ótip jatyr.
Sondaı-aq 22 maýsymda «Qaısar» syrt alańda «Jetisýdy» 2:1 esebimen jeńse, «Astana» «Qyzyljardan» 1:0 esebimen basym tústi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.